Supriya Sule : एका कार्यक्रमासाठी हगवणेंनी मला बोलावलं होतं, पण.. ; सुप्रिया सुळेंनी सांगितला तो किस्सा

हगवणे यांनी मलाही एका कार्यक्रमाला बोलावलं होतं. घरगुती हिंसाचाराच्या प्रकरणामुळे मी त्या ठिकाणी जाणं टाळलं, असं खासदार सुप्रिया सुळे यांनी म्हंटलं आहे. गुन्हेगाराला शिक्षा झाली पाहिजे असंही  सुप्रिया सुळे यांनी म्हंटलं आहे.

यावेळी बोलताना सुप्रिया सुळे यांनी सांगितलं की, साधारण एक महिन्या आधी हगवणे यांनी मला एका कार्यक्रमासाठी बोलावलं होतं. मात्र याच कारणामुळे मी तिथे जाणं टाळलं. ज्या कुटुंबातली सून घरगुती हिंसाचाराच्या मुद्द्यावर पोलीस ठाण्यात जाते, त्या ठिकाणी कार्यक्रमाला जाणं मला संयुक्तिक वाटलं नाही. म्हणून मी त्या कार्यक्रमाला गेले नाही. माझी मुख्यमंत्र्यांना विनंती आहे की, गुन्हेगाराला शिक्षा झालीच पाहिजे यासाठी पोलिसांना सूचना द्याव्यात अशी मागणी देखील सुळे यांनी केली आहे.