मध्यरात्री शरण आले, पहाटे जामीनही मिळाला; सुरज चव्हाणांना पोलिसांचं पाठबळ?

लातूरमध्ये फरार असलेले सूरज चव्हाणसह 10 जण पोलिसांना काल रात्री शरण गेले. सूरज चव्हाण रात्री पोलीस ठाण्यात हजर झाला आणि पहाटेच्या सुमारास त्याला जामीन मंजूर झाला. पोलिसांनी याबाबत अत्यंत गुप्तता पाळत सूरज चव्हाणला पाठबळ दिल्याचे दिसून आले. रात्री पोलीस ठाण्यात दाखल झाल्यानंतर अवघ्या काही तासांतच जामीनाची प्रक्रिया पूर्ण झाली आणि त्यांचा जबाब नोंदवून त्याला सोडण्यात आले. या घटनेमुळे शेतकरी संघटनेने तीव्र संताप व्यक्त केला असून, यामुळे पुन्हा एकदा मोठा वाद निर्माण होण्याची शक्यता आहे.