Ambernath Election : अंबरनाथमध्ये धक्कादायक युती! शिंदेंविरोधात भाजपची काँग्रेस अन् राष्ट्रवादीसोबत युती

अंबरनाथ नगरपरिषदेमध्ये एक महत्त्वपूर्ण राजकीय घडामोड घडली आहे. भाजपने काँग्रेस आणि अजित पवारांच्या राष्ट्रवादी काँग्रेस पक्षासोबत युती करत सर्वांनाच धक्का दिला आहे. ही युती शिंदेंच्या शिवसेनेला सत्तेपासून दूर ठेवण्याच्या उद्देशाने करण्यात आल्याचे बोलले जात आहे. अंबरनाथमध्ये भाजप आणि काँग्रेस एकत्र आल्याने राजकीय वर्तुळात आश्चर्य व्यक्त होत आहे.

अंबरनाथ नगरपरिषदेच्या निवडणुकीत शिंदेंच्या शिवसेनेचे सर्वाधिक २३ नगरसेवक निवडून आले होते. त्यापाठोपाठ भाजपचे १६, काँग्रेसचे १२ आणि अजित दादांच्या राष्ट्रवादीचे ४ नगरसेवक निवडून आले होते. संख्याबळानुसार शिंदेंच्या शिवसेनेला बाजूला ठेवत, भाजपला काँग्रेसच्या मदतीने नगरपरिषदेत बहुमत प्राप्त झाले आहे. या युतीमुळे शिंदे सेनेला मोठा धक्का बसला असून, त्यांनी याला अभद्र युती असे संबोधून तीव्र शब्दांत टीका केली आहे. महाराष्ट्राच्या स्थानिक राजकारणात सत्ता समीकरणात बदल होण्याची ही घटना महत्त्वाची मानली जात आहे.