पुणे: भाजपात प्रचंड दुफळी माजली आहे, असं ठाकरे गटाच्या उपनेत्या सुषमा अंधारे यांनी म्हटलं आहे. इतकंच नाही तर भाजपाच पंतप्रधान नरेंद्र मोदी की अमित शाह असा संघर्ष सुरु आहे. भाजप नेत्या पंकजा मुंडे यांच्या वक्तव्यावरून सुषमा अंधारे यांनी प्रतिक्रिया दिली आहे. “मी माझे नेते अमित शाहांची भेट घेऊन मनमोकळपणानं बोलणार, असं पंकजा मुंडे म्हणाल्या.पंकजा मुंडे यांचं हे वाक्य फार बोलकं आहे. याचा अर्थ असा आहे की, भाजपाच प्रचंड दुफळी माजलेली आहे. भाजपमध्येच आता अमित शाह की पंतप्रधान मोदी असा संघर्ष तयार झालेला आहे. महाराष्ट्रातील चंद्रकांत पाटील, आशिष शेलार, विनोद तावडे, पंकजा मुंडे यासह अनेक नेते अमित शहा यांच्या छावणीत गेले आहेत, असं सुषमा अंधारे म्हणाल्या आहेत.