ठाकरे कुटुंबातला गोडवा वाढला! संक्रांतीसाठी दोन्ही कुटुंब शिवतीर्थवर एकत्र

उद्धव ठाकरे आपल्या कुटुंबियांसह आज राज ठाकरेंच्या शिवतीर्थ निवासस्थानी दाखल झाले. रश्मी ठाकरे, आदित्य ठाकरे, अमित ठाकरे, शर्मिला ठाकरे, आणि उर्वशी ठाकरे हे सर्वजण या प्रसंगी उपस्थित होते. ठाकरे कुटुंब एकत्रितपणे मुंबई देवीच्या दर्शनासाठी रवाना होणार असल्याची माहिती आहे. उद्या मतदान होणार असल्याने, या भेटीला विशेष महत्त्व प्राप्त झाले आहे.

शिवतीर्थावर मकर संक्रांतीचा कार्यक्रम पार पडणार असून, या निमित्ताने ठाकरे बंधू एकत्र आले आहेत. राज ठाकरे आणि उद्धव ठाकरे यांच्यात चर्चा सुरू आहे. गेल्या सहा महिन्यांपासून ठाकरे बंधूंनी एकत्र अनेक सण साजरे केले आहेत. त्यामुळे आजची ही भेट त्यांच्यातील सलोखा दर्शवते. खासदार संजय राऊत देखील या ठिकाणी उपस्थित होते. मुंबई देवीच्या दर्शनापूर्वी कुटुंबातील सदस्यांनी एकमेकांशी संवाद साधला. निवडणुकीच्या रणधुमाळीनंतर ही कौटुंबिक भेट महत्त्वपूर्ण ठरली आहे.