निलेश राणे हे आमच्यादृष्टीने कचरा, ठाकरे गटाच्या नेत्याची जिव्हारी लागणारी टीका

मुंबई, २५ ऑक्टोबर २०२३ | मी सक्रिय राजकारणातून कायमचा बाजूला होत आहे, आता राजकरणात मन रमत नाही, इतर काही कारण नाही, असे स्पष्टपणे म्हणत माजी खासदार निलेश राणे यांनी महाराष्ट्राच्या राजकारणातून निवृत्त होण्याची घोषणा केली. यावर ठाकरे गटाचे नेते भास्कर जाधव यांनी आपली प्रतिक्रिया दिली आहे. कोकणात निलेश राणे आणी भास्कर जाधव हे एकमेकांचे कट्टस प्रतिस्पर्धी मानले जात असल्याची चर्चा कायम असते. यासंदर्भात भास्कर जाधव यांना सवाल केला असता भास्कर जाधव यांनी निलेश राणे यांच्यावर जिव्हारी लागणारी टीका केल्याचे पाहायला मिळाले, भास्कर जाधव म्हणाले, ‘निलेश राणे आमचा कधी प्रतिस्पर्धी नव्हता. निलेश राणे कुठे आणि मी कुठे?’ असा खोचक सवाल केला तर निलेश राणे आमच्यादृष्टीने कचरा आहेत, असे म्हणत भास्कर जाधव यांनी जिव्हारी लागणारी टीका निलेश राणे यांच्यावर केली.