ठाकरे गटाला पुन्हा मोठा धक्का! एकच कारण अन् बड्या नेत्यानं सोडला पक्ष, उपमुख्यमंत्री शिंदेंच्या उपस्थितीत पक्ष प्रवेश

राज्याच्या राजकारणातून एक महत्त्वाची बातमी समोर येत आहे. ठाकरे गटाचे नेते आनंद दुबे यांनी अखेर उपमुख्यमंत्री एकनाथ शिंदे यांच्या उपस्थितीत शिंदे यांच्या नेतृत्वाखालील शिवसेनेत प्रवेश केला आहे. या पक्षप्रवेशामुळे राजकीय वर्तुळात अनेक चर्चांना उधाण आले आहे, विशेषतः ठाकरे गटासाठी हा मोठा धक्का मानला जात आहे. आनंद दुबे हे ठाकरे सेनेतील एक परिचित चेहरा होते. त्यांच्या या पक्षबदलामुळे शिवसेनेतील अंतर्गत गटबाजी पुन्हा एकदा समोर आली आहे. इतके नाही तर ते म्हणाले होते आमचा आदर्श सावरकर आहेत, मात्र आमचे नेते अभिजीत दीपकेंसारख्यांना पाठिंबा देतात. हिंदुत्त्वावर बोललण्यासाठी तोंड नाही ठेवलं आम्हला त्यामुळेही शिंदे गाटत पक्ष प्रवेश योग्य वाटत आहे. मुंबईत झालेल्या पक्षप्रवेश सोहळ्यात उपमुख्यमंत्री एकनाथ शिंदे स्वतः उपस्थित होते, ज्यामुळे या घटनेला अधिक महत्त्व प्राप्त झाले आहे.

दुबे यांच्या पक्षप्रवेशामुळे शिंदे गटाची ताकद आणखी वाढली असून, ठाकरे गटाला मात्र यामुळे आपले स्थान टिकवण्यासाठी अधिक प्रयत्न करावे लागतील असे दिसते आहे. हा पक्षप्रवेश महाराष्ट्राच्या राजकीय भूमिकेत महत्त्वपूर्ण बदल घडवून आणू शकतो. आगामी निवडणुकांपूर्वी नेते आणि कार्यकर्ते यांच्या पक्षबदलाच्या मालिका अधिक तीव्र होण्याची शक्यता आहे. आनंद दुबे यांच्या या निर्णयामुळे मुंबई आणि आसपासच्या परिसरातील राजकारणावर काय परिणाम होतो, हे पाहणे महत्त्वाचे ठरेल.