Uddhav Thackeray : मुख्यमंत्र्यांना हात जोडून विनंती, मी फडणवीसांसोबत… पूरग्रस्त शेतकऱ्यांच्या मदतीसाठी ठाकरेंची मागणी काय?

उद्धव ठाकरे यांनी महाराष्ट्रासाठी पीएम केअर फंडातून किमान ५० हजार कोटी रुपये देण्याची मागणी केली आहे, ज्यामुळे राज्यातील संकट दूर होण्यास मदत होईल. त्यांनी मुख्यमंत्री देवेंद्र फडणवीस यांना शेतकऱ्यांची कर्जमाफी करावी आणि हेक्टरी ५० हजार रुपये तात्काळ जाहीर करून कालबद्ध पद्धतीने वाटप करण्याची विनंती केली. तसेच, बँकांनी शेतकऱ्यांना पाठवलेल्या नोटिसा थांबवाव्यात अशी मागणीही ठाकरे यांनी केली. ठाकरे यांनी मुख्यमंत्र्यांवर अंगलट आल्यावर विषयाला फाटे फोडण्याचा आरोप केला. पीएम केअर फंड कोविडसाठी तयार झाला असूनही तो वापरला जात नसल्याची टीका त्यांनी केली. भाजपच्या आमदारांनी पीएम केअर फंडात पैसे दिल्याने देवेंद्र फडणवीस यांना मुख्यमंत्री सहायता निधीबद्दल बोलण्याचा अधिकार नसल्याचेही ठाकरे म्हणाले.