Uddhav Thackeray | बीडमध्ये उद्धव ठाकरेंची मोठी खेळी! 396 बूथप्रमुखांशी थेट संवाद; प्रत्येकासाठी 10 लाखांची पॉलिसी जाहीर

शिवसेना (उद्धव बाळासाहेब ठाकरे) पक्षप्रमुख उद्धव ठाकरे यांनी नुकताच बीड जिल्ह्याला भेट दिली. या भेटीदरम्यान त्यांनी बीड विधानसभा मतदारसंघातील ३९६ बूथप्रमुखांशी थेट संवाद साधला. पक्षसंघटना मजबूत करण्याच्या दृष्टीने हे एक महत्त्वपूर्ण पाऊल मानले जात आहे.

या कार्यक्रमाचे आयोजन पक्षप्रमुख उद्धव ठाकरे यांच्या आदेशानुसार आणि संपर्क नेते अंबादास दाणे यांच्या मार्गदर्शनाखाली करण्यात आले होते. जिल्हाप्रमुख गणेश वरेकर, विधानसभा प्रमुख मुजीब शेख, आणि तालुकाप्रमुख यांच्यासह अनेक प्रमुख पदाधिकारी उपस्थित होते.

या प्रसंगी बीड जिल्हा शिवसेनेच्या वतीने प्रत्येक बूथप्रमुखासाठी एक विशेष पॉलिसी जाहीर करण्यात आली. वार्षिक ५०० रुपये हप्त्याने १० लाखांची ही पॉलिसी शिवसेना उद्धव बाळासाहेब ठाकरे या नावाने काढण्यात आली आहे. प्रातिनिधिक स्वरूपात उद्धव ठाकरे यांच्या हस्ते २० बूथप्रमुखांना या पॉलिसीचे वाटप करण्यात आले. शिवसेनेच्या कार्यकर्त्यांसाठी हा एक अभिमानाचा क्षण असल्याचे जिल्हाप्रमुख गणेश वरेकर यांनी नमूद केले.