नितीन गडकरी धमकी प्रकरण नवे कांगोरे समोर; पीएफआयशी संबध, दाऊदशी धागेदोरे?

मुंबई : केंद्रीय मंत्री नितीन गडकरी यांना फोनवरून जीवे मारण्याची धमकी देण्यात आली होती. त्याचबरोबर त्यांच्याकडे 100 कोटींची खंडणी देखील मागण्यात आली होती. याप्रकरणी पोलिसांनी तपास करत जयेश कांथा उर्फ जयेश पुजारी याला ताब्यात घेतलं आहे. यानंतर आता या प्रकरणात नव्या गोष्टींचा उलगडा होत असून जयेश पुजारी हा पीएफआय शी संबंधीत असल्याचे समोर येत आहे. तर त्याचे कुख्यात डॉन दाऊदशी काही संबंध आहेत का हे ही तपासले जात आहे. तर त्याच्यावर यूएपीए कायाद्यातील कलमं लावली जाणार असल्याचे समोर येत आहे.