Vaishnavi Hagawane : वैष्णवी हगवणे मृत्यू प्रकरणी नवा ट्विस्ट; पंख्याची फॉरेन्सिक तपासणी, काय आलं समोर?

पिंपरी चिंचवडमधील वैष्णवी हगवणे मृत्यू प्रकरणी आता गळफास घेण्यासाठी वापरलेल्या पंख्याची देखील आता फॉरेन्सिक तपासणी केली जाणार आहे. वैष्णवीने गळफास घेतला तो पंख किती वजन पेलू शकतो याची चाचणी केली जाणार आहे. तसंच वैष्णवीचा पती, सासरा आणि दिराला न्यायालयात हजर केलं जाणार आहे. या तिघांची आज पोलीस कोठडी संपत आहे.

वैष्णवी हगवणे हिने 16 मे रोजी सासरकडून होणाऱ्या हुंड्यासाठीच्या छळाला कंटाळून आत्महत्या केली होती. त्यानंतर या संपूर्ण प्रकरणात समोर आलेल्या अनेक धक्कादायक खुलास्यांनंतर हगवणे कुटुंबाला पोलिसांनी अटक केली. वैष्णवीच्या माहेरच्या लोकांनी देखील हगवणे कुटुंबावर गंभीर आरोप केलेले आहे. वैष्णवीच्या शवविच्छेदन अहवालात समोर आलेल्या माहितीनंतर आता वैष्णवीने गळफास घेतलेल्या पंख्याची देखील फॉरेन्सिक तपासणी होणार असल्याचं समोर आलं आहे.