औरंगजेबाचा फोटो झळकावल्याच्या प्रकरणाबद्दल मोठी अपडेट, अटक केलेल्या…

अहमदनगर : अहमदनगरमध्ये एका कार्यक्रमात काही युवक औरंगजेबाचा फोटो घेऊन काल नाचत असल्याचा धक्कादायक प्रकार समोर आला होता. या घटनेचा व्हिडीओ सोशल मीडियावर प्रचंड व्हायरलही होत आहे. संबंधित प्रकार हा अहमदनगरच्या फकीरवाडा भागातील आहे. फकीरवाड्यात संदल उरूस उत्सवाचं आयोजन करण्यात आलं होतं. या उत्साहादरम्यान काही युवक औरंगजेबाचे फोटो घेऊन नाचत होते. संबंधित व्हिडीओ सोशल मीडियावरही व्हायरल होत आहे. संबंधित प्रकार हा रविवारी रात्रीचा असल्याची माहिती समोर आली होती. दरम्यान, याप्रकरणात दोन जणांना पोलिसांकडून अटक करण्यात आले होते. सरफराज जहागीरदार आणि जावेद शेख असे अटक केलेल्या दोघांची नावं आहेत. तर या दोघांना जामीन मंजूर करण्यात आला आहे.