Onion Price Today: शेतकऱ्यांच्या मागणीला यश, आशियातील सर्वात मोठी कांद्याची बाजार समिती सुरु

Onion Price Today: शेतकऱ्यांच्या मागणीला यश, आशियातील सर्वात मोठी कांद्याची बाजार समिती सुरु
लासलगांव बाजार समिती

कोरोनाचा प्रादुर्भाव वाढल्यामुळे गेल्या 13 दिवसांपासून नाशिक जिल्ह्यात बंद असलेल्या 15 बाजारसमित्या सुरु झाल्या आहेत. Nashik Lasalgaon onion auction

Yuvraj Jadhav

|

May 24, 2021 | 1:22 PM

नाशिक: कोरोनाचा प्रादुर्भाव वाढल्यामुळे गेल्या 13 दिवसांपासून नाशिक जिल्ह्यात बंद असलेल्या 15 बाजार समित्या सुरु झाल्या आहेत. शेतकऱ्यांनी मागणी केल्यानंतर आशियातील कांद्याची सर्वात मोठी बाजार समिती लासलगावमध्ये कांद्याचे लिलाव सुरु झालेत. बाजार समित्यांमध्ये आजपासून कांद्याचे लिलाव पुर्ववत सुरू झाल्याने आज कांदा उत्पादक शेतकऱ्यांच्या चेहऱ्यावर समाधानाचे वातावरण पाहायला मिळाले. (Nashik Lasalgaon and other apmc resume auction of onion from today)

कोरोना रोखण्यासाठी बाजारसमित्या 12 मे पासून बंद

नाशिक जिल्ह्यातील ग्रामीण भागात कोरोनाचा प्रादुर्भाव झपाट्याने वाढल्यामुळे लासलगावसह जिल्ह्यातील कांद्याच्या प्रमुख 15 बाजार समित्या 12 मेपासून बंद ठेवण्यात आल्या होत्या. आज पासून लासलगावसह सर्वच बाजार समित्यांमध्ये कांदा व धान्यचे लिलाव पूर्ववत सुरू झाले आहेत. लिलावला येताना शेतकऱ्यांनी कोरोनाची चाचणी करून येणे तसेच वाहन नोंदणी करणे बंधनकारक केली आहे. त्यानंतर बाजार समिती आवारात शेतकऱ्यांना आपल्या शेतीमालासह प्रवेश दिला जाणार आहे,अशी माहिती लासलगाव बाजार समितीचे सचिव नरेंद्र वाढवणे यांनी दिली.

लासलगाव बाजारसमितीत 500 गाड्या दाखल

लासलगाव बाजार समितीमध्ये 500 वाहनातून आलेल्या कांद्याला कमाल 1571 रुपये, किमान 700 रुपये तर सर्वसाधारण 1400 रुपये इतका बाजार भाव मिळाल्याचे बाजार समितीचे सचिव नरेंद्र वाढवणे यांनी सांगतिलं आहे.

शासनाच्या नियमांचं पालन करु, बाजारसमित्या सुरु ठेवा

गेल्या 13 दिवसांपासून बाजार समितीमध्ये कांदा लिलाव हे बंद होते व ते आज सुरु झाल्याने शेतकऱ्यांच्या चेहऱ्यावर समाधानाचे वातावरण बघायला मिळाले. बाजार समितीमध्ये येताना आम्ही शासनाचे नियमांचे पालन करू शासनानं बाजार समिती सुरू ठेवावी, अशी मागणी शेतकऱ्यांनी केली.

गेल्या 13 दिवसांपासून लासलगावसह जिल्ह्यातील प्रमुख 15 बाजार समित्या बंद होत्या. आज कांदा लिलाव पूर्ववत सुरू करण्याअगोदर शेतकऱ्यांची कोरोना तपासणी लासलगाव प्रवेशद्वारावर करण्यात आली. बाजार समिती आवारात आलेले कांदा वाहन तपासणीनंतर सोडण्यात आले.

संबंधित बातम्या:

दर महिन्याच्या अमावस्येला लासलगाव बाजार समिती असते बंद, कारण….!

सरकारने 39.55 लाख शेतकऱ्यांच्या खात्यावर पाठवले 75 हजार कोटी, नेमकं कारण काय?

(Nashik Lasalgaon and other apmc resume auction of onion from today)

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें