स्ट्रॉबेरी शेतीतून मोठ्या कमाईची हमी, शेतकऱ्यांना एक एकरात 8 लाखांच्या उत्पन्नाची संधी

नवी दिल्ली: भारतात स्ट्रॉबेरीची लागवड फार पूर्वीपासून केली जात आहे. परंतु, आता मोठ्या संख्येने शेतकऱ्यांनी स्ट्रॉबेरीची लागवड करण्यास सुरवात केली आहे. स्ट्रॉबेरी शेतीतून जास्त उत्पन्न असल्याने त्याकडे शेतकर्‍यांचा ओढा वाढत आहे. पॉलीहाऊस, हायड्रोपोनिक्स आणि पारंपारिक पद्धतीनं खुल्या शेतामध्ये याची लागवड केली जात आहे. (strawberry Farming Farmers can earn up to 8 lakh rupees from one acre know details)

सामान्यपणे खुल्या शेतात स्ट्रॉबेरीची लागवड करताना काही गोष्टी लक्षात ठेवल्या पाहिजेत. शेतकऱ्यांनी योग्यप्रकारे नियोजनासह स्ट्रॉबेरी शेती केली तर एका एकरात 8 लाख रुपयांपर्यंत उत्पन्न मिळू शकतं. स्ट्रॉबेरी हे अतिशय नाजूक फळ आहे. लागवडीदरम्यान त्याच्या रोपांकडे विशेष लक्ष देणे आवश्यक असते.

लागवडीसाठी योग्य काळ कोणता?

भारतात स्ट्रॉबेरीची लागवड सहसा सप्टेंबरमध्ये केली जाते. पावसाळ्यानंतरचा हा काळ स्ट्रॉबेरीसाठी योग्य मानला जातो. स्ट्रॉबेरीची रोपं कोणत्याही प्रकारच्या मातीमध्ये लावता येतात. मात्र, लाल माती असल्यास त्याचे उत्पादन जास्त मिळते. स्ट्रॉबेरी लागवडीसाठी 15 ते 30 अंश तपमान योग्य असते. उच्च तापमानामुळे पिकावर वाईट परिणाम होतो.

स्ट्रॉबेरीच्या प्रमुख जाती

कृषी तज्ज्ञांच्या माहितीनुसार संपूर्ण जगात स्ट्रॉबेरीचे 600 प्रकार आहेत. भारतातील शेतकरी कामरोसा, चांदलर, ऑफ्रा, ब्लॅक मोर, स्वीड चार्ली, एलिस्टा आणि फेअर फॉक्स या वाणांचा वापर करतात. या जाती भारताच्या हवामानानुसार योग्य आहेत.

पूर्व मशागत

स्ट्रॉबेरी लागवडीपूर्वी सप्टेंबरच्या पहिल्या आठवड्यात शेतामध्ये तीन ते चार वेळा रोटर फिरवला जातो. त्यानंतर शेणखत टाकले जाते. शेतकरी रासायनिक खतांचा देखील वापर करु शकतात. यानंतर शेतात बेड बनवले जातात. बेडची रुंदी एक ते दोन फूटांदरम्यान ठेवावी लागते. दोन्ही बेडमध्ये सारखं अंतर ठेवणं आवश्यक असतं. रोपांची लागवड करण्यासाठी प्लॅस्टिक पेपरद्वारे मल्चिंग केले जाते आणि त्यामध्ये निश्चित अंतरावर छिद्र बनविले जातात.

लागवडीनंतर काय करावं

स्ट्रॉबेरीच्या लागवडीनंतर ठिबक किंवा तुषार सिंचनाचा वापर करावा. जमिनीतील ओलावा लक्षात ठेवून वेळोवेळी शेताला पाणी देणं गरजेचं असते. स्ट्रॉबेरीमधून चांगले उत्पादन मिळण्यासाठी खताचे प्रमाण खूप महत्वाचे आहे.शेतातील जमिनीचा पोत आणि स्ट्रॉबेरीच्या प्रकारावर अवलंबून खतांचा वापर करावा. शेतकऱ्यांनी वेळोवेळी कृषीमित्रांचा आणि कृषी अधिकाऱ्याचं मार्गदर्शन घेणं आवश्यक आहे. स्ट्रॉबेरी लागवडीच्या दीड महिन्यानंतर फळ येण्यास सुरुवात होते आणि ही प्रक्रिया पुढे चार महिने चालू राहते. जर फळाचा रंग अर्ध्यापेक्षा लाल झाला तर ते फळ तोडलं पाहिजे.

स्थानिक स्वराज्य संस्थांच्या पोटनिवडणुकांची घोषणा हा तर ओबीसींवर घोर अन्याय, पंकजा मुंडे यांचा कोर्टात जाण्याचा इशाराhttps://t.co/cEMmp32vf3#OBCreservation | #Politics | #PankajaMunde | @Pankajamunde

— TV9 Marathi (@TV9Marathi) June 22, 2021

संबंधित बातम्या:

पुनर्रचित हवामान आधारित फळविक विमा योजनेत सहभागी व्हा, कृषी विभागाचं शेतकऱ्यांना आवाहन

VIDEO | शिवसेना आमदाराची हटके स्टाईल, थेट शेतात उतरुन यंत्राद्वारे भात लावणी

Strawberry Farming Farmers can earn up to 8 lakh rupees from one acre know details