इलेक्ट्रीक स्कूटर खरेदी करताना करु नका या चूका, अन्यथा होईल पश्चाताप

आजच्या पेट्रोलच्या वाढत्या दरामुळे महागाईच्या काळात इलेक्ट्रीक स्कूटर लोकांना आकर्षित करत आहे. शहरातील वाढते ट्रॅफीक आणि पार्किंगची समस्या यामुळे इलेक्ट्रीक स्कूटर केवल पर्यावरणाचे संरक्षण करत नाही तर पैशाची बचतही करत आहे. त्यामुळे शहरातल्या शहरात चालवण्यासाठी इलेक्ट्रीक स्कुटर एक बेस्ट पर्याय आहे. मात्र, इलेक्ट्रीक स्कूटर खरेदी करताना घाई न करता नीट काळजी घेणे गरजेचे आहे. तर इलेक्ट्रीत स्कूटर घेताना नेमकी काय काळजी घ्यावी हे पाहूयात….

स्कूटरची बॅटरी

इलेक्ट्रीक स्कुटरमध्ये त्याची बॅटरी सर्वाधिक महत्वाची असते. नेहम लिथियम – आयर्न बॅटरीवाल्या मॉडेलला प्राधान्य द्यावे. कारण ती जास्त टिकाऊ आणि विश्वासार्ह असते. ARAI वा IDC रेंज जरुर तपासा आणि आपल्या रोजच्या गरजेपेक्षा थोड्या जास्त रेंजवाल्या स्कूटर निवडा. तसेच बॅटरीवर देखील ३ ते ५ वर्षांची वॉरंटी असणे एक चांगला संकेत आहे.

मोटरची पॉवर आणि परफॉर्मेन्स

इलेक्ट्रीक स्कूटरचा दुसरा महत्वाचा पार्ट म्हणजे त्याची मोटरची गुणवत्ता. मोटरची पॉवर आणि परफॉर्मेन्स चेक करणे गरजेचे आहे. जर तुम्ही शहरातल्या शहरात वापरत असाल तर कमी पॉवरची ठीक आहे.मात्र, चढ उताराचे रस्ते असतील वा दोन लोकांनी प्रवास करायचा असेल तर जास्त पॉवरवाली मोटर घेणे उत्तम असते. टेस्ट राईड घेऊन मोटरची चाचणी करणे उत्तम आहे.

सेफ्टी फिचर्सवर लक्ष असू द्या

यानंतर स्कूटरची बनावट आणि सेफ्टी फिचर्स देखील ध्यानात घ्यावेत. मजबूत फ्रेम, चांगले सस्पेंशन आणि विश्वासार्ह ब्रेकिंग सिस्टी खूप गरजेचे आहे. डिस्क ब्रेक, एलईडी लाईट्स, डिजिटल मीटर आणि एंटी -थेफ्ट फिचर्स स्कूटरला आणखी सुरक्षित बनवतात.

चार्जिंग टाईम आणि वॉरंटी

चार्जिंग टाईम आणि सुविधा देखील महत्वाची असते. अशा इलेक्ट्रीक स्कूटरला घ्यावे ज्याला चार्ज होण्यासाठी कमी वेळ लागेल. जर बॅटरी काढता येणारी असेल तर आणखी उत्तम आहे. त्यामुळे तिला काढून तुम्ही घरीही सहजपणे चार्ज करु शकता. शेवटचे कंपनीचा सर्व्हीस सेंटरचे नेटवर्क किती आहे. आणि एकूण खर्च किती येईल याचाही विचार करावा. तुमच्या शहरात या स्कूटरच्या कंपनीचे सर्व्हीस सेंटर असायला हवे. आणि स्पेअर पार्टची उपलब्धता देखील असायला हवी. तसेच स्कूटरला लागणारा एकूण खर्च, मेन्टेनन्स आणि वॉरंटीला ध्यानात घेऊन योग्य निर्णय घ्यावा. विश्वासार्ह ब्रँडची निवड तुम्हाला दीर्घकाळ उत्तम सेवा देऊ शकते आणि तुमच्या डोक्याला कोणताही त्रास होणार नाही.