प्रतीक्षा संपली! Kia Carens 15 फेब्रुवारीला बाजारात, Alcazar आणि Safari ला टक्कर
किया (Kia) कारप्रेमींसाठी एक आनंदाची बातमी आहे, दक्षिण कोरियाची ऑटोमोबाईल कंपनी Kia लवकरच भारतात आणखी एक नवीन कार बाजारपेठेत आणणार आहे. किया (Kia India) ने घोषणा केली आहे की, त्यांची कॅरेन्स (Carens MPV) भारतात 15 फेब्रुवारी 2022 रोजी लॉन्च होईल.
मुंबई : किया (Kia) कारप्रेमींसाठी एक आनंदाची बातमी आहे, दक्षिण कोरियाची ऑटोमोबाईल कंपनी Kia लवकरच भारतात आणखी एक नवीन कार बाजारपेठेत आणणार आहे. किया (Kia India) ने घोषणा केली आहे की, त्यांची कॅरेन्स (Carens MPV) भारतात 15 फेब्रुवारी 2022 रोजी लॉन्च होईल. ही थ्री रो एमपीव्ही डिसेंबर 2021 मध्ये सादर करण्यात आली होती. या कारची बुकिंग गेल्या महिन्यात सुरू झाली होती. ग्राहक 25000 रुपये भरुन ही कार बुक करु शकतात. मार्च महिन्यात भारतात या कारचे वितरण सुरु होईल. भारतीय बाजारपेठेत Carens ला Hyundai Alcazar आणि Tata Safari या गाड्यांशी स्पर्धा करावी लागेल.
कॅरेन्स गाडीची कमी असणारी किंमत बाजारपेठेत महत्त्वाचा फॅक्टर ठरू शकते. या कारमध्ये पॅनोरमिक सनरुफ, 360 डिग्री सराऊंड व्ह्यू सिस्टम आणि 2.0 लीटर पेट्रोल इंजिन नसल्यामुळे (जे तिची स्पर्धक ह्युंडई अल्काझारमध्ये देण्यात आलं आहे.) या कारची किंमत जास्त ठेवता येणार नाही. त्यामुळे ही कार कमी किंमतीसह सादर केली जाईल. त्यामुळे या कारला ग्राहकांकडून चांगला प्रतिसाद मिळू शकतो.
Carens पेट्रोल आणि डिझेल दोन्ही पॉवर ट्रेनसह ऑफर केली आहे. कॅरेन्स 15 फेब्रुवारीपासून भारतीय बाजारपेठेत विक्रीसाठी उपलब्ध होईल. कंपनीने अद्याप या कारची किंमत जाहीर केलेली नाही. लाँचिंगवेळीच किंमत जाहीर केली जाईल.
Carens MPV भारतात वेगवेगळ्या पॉवरट्रेन आणि गियरबॉक्स पर्यायांसह लाँच केली जाईल. ही कार 1.5-लीटर नॅचरली-अॅस्पिरेटेड पेट्रोल इंजिन, 1.4-लीटर टर्बो पेट्रोल इंजिन आणि 1.5-लीटर डिझेल इंजिन पर्यायासह सादर केली जाईल. ट्रान्समिशन पर्यायांमध्ये सिक्स-स्पीड मॅन्युअल, सेव्हेन-स्पीड डीसीटी किंवा सिक्स-स्पीड ऑटोमॅटिक गिअरबॉक्स असतील.
सेफ्टी फीचर्स
कॅरेन्सच्या फीचर्समध्ये एलईडी हेडलॅम्प, 10.25 इंच टचस्क्रीन इन्फोटेनमेंट सिस्टम, संपूर्ण डिजिटल इन्स्ट्रुमेंट क्लस्टर, इलेक्ट्रिक सनरूफ, वायरलेस चार्जर, एअर प्युरिफायर, रूफ माउंटेड एअरकॉन व्हेंट्स, वन-टच इलेक्ट्रिक टंबल फंक्शन यांचा समावेश आहे. या कारमधील सेफ्टी फीचर्सबद्दल बोलायचे झाल्यास यामध्ये टायर प्रेशर मॉनिटरिंग सिस्टम, सहा एअरबॅग्ज, एबीएस, ईएससी, रियर पार्किंग सेन्सर्स, डाउनहिल ब्रेक कंट्रोल आणि चारही चाकांवर डिस्क ब्रेक यांचा समावेश आहे.
इतर बातम्या
मोठी बॅटरी, 64MP कॅमेरासह Vivo चा किफायतशीर 5G स्मार्टफोन बाजारात, लाँचिंगसाठी उरले काही तास
Tata Play Fiber कडून एक महिना मोफत 1000GB हाय-स्पीड इंटरनेट, जाणून घ्या ऑफर क्लेम करण्याची पद्धत
