नाद करा पण आमचा कुठं! Mahindra Thar ची चक्क शोरुममध्येच टेस्ट ड्राईव्ह, अखेर मदतीसाठी JCB मागवला
महिंद्रा थार (Mahindra Thar) ही एसयूव्ही अनेकांची ड्रीम कार आहे. तुम्ही ही ऑफ-रोडर एसयूव्ही खरेदी केल्यास तुमच्या आनंदाला सीमा राहणार नाही. शोरूममध्ये जाऊन महिंद्रा थारची डिलिव्हरी घेणे हा खूप आनंददायी अनुभव आहे, पण कधी कधी अतिउत्साहामुळे तो खराब होतो.
नवी दिल्ली : महिंद्रा थार (Mahindra Thar) ही एसयूव्ही अनेकांची ड्रीम कार आहे. तुम्ही ही ऑफ-रोडर एसयूव्ही खरेदी केल्यास तुमच्या आनंदाला सीमा राहणार नाही. शोरूममध्ये जाऊन महिंद्रा थारची डिलिव्हरी घेणे हा खूप आनंददायी अनुभव आहे, पण कधी कधी अतिउत्साहामुळे तो खराब होतो. असाच काहीसा प्रकार एका ग्राहकासोबत घडला, ज्याने महिंद्र थारची डिलिव्हरी घेतली आणि शोरूममध्येच त्याची ऑफ-रोडिंग टेस्ट (Mahindra Thar Test drive) घेतली. खरं तर, बंगळुरूमधला हा ग्राहक बहुधा कारच्या ड्रायव्हर सीटवर बसून शोरूममधून कार बाहेर काढत होता, तेव्हा ड्रायव्हरचे नियंत्रण सुटले आणि कार शोरूमच्या ग्रीलला धडकली.
या घटनेचे फोटो आणि व्हिडिओ इंटरनेटवर मोठ्या प्रमाणात शेअर केले जात आहेत. ही चूक ड्रायव्हरची होती की शोरूमची, त्याची माहिती अद्याप स्पष्ट झालेली नाही, मात्र ड्रायव्हर सीटवर बसल्याचे फोटोत स्पष्ट दिसत आहे. गंमत म्हणजे या अपघातात नवीन महिंद्रा थारचे फारसे नुकसान झाले नसून या रेलिंगमुळे ग्राहकाचे मोठे नुकसान होण्यापासून वाचले आहे. शोरूमची काच फोडून ही एसयूव्ही रेलिंगला धडकली आणि तिची पुढची चाके हवेत होती, मात्र कारचा मागचा भाग तिथेच अडकला आणि थार पुढे सरकली नाही.
ब्रेक आणि अॅक्सलरेटमध्ये चालक गोंधळला?
अपघाताबाबत नेमकी माहिती नसल्यामुळे, वेगवेगळे अंदाज बांधले जात आहेत, त्यापैकी सर्वात खात्रीशीर माहिती म्हणजे हे महिंद्रा थारचे AMT व्हेरिएंट होते आणि चालकाने त्याच्या ब्रेक आणि अॅक्सलरेटरमध्ये गोंधळ केला असावा. या दुर्घटनेनंतर अडकलेली थार जेसीबीच्या मदतीने योग्य स्थितीत आणण्यात आली. काही वेळाने ही ऑफ रोडर पुन्हा शोरूममध्ये पाहायला मिळाली.
व्हिडीओ पाहा
नाद खुळा शोरुम गोळा, चक्क शोरुममध्येच Mahindra Thar टेस्ट ड्राईव्ह नवी कार घेतल्यानंतरचा अतिउत्साह ग्राहकाची शोरूममध्येच ऑफ-रोडिंग टेस्ट ड्राईव्ह अंगाशी आली हा प्रकार बंगळुरुमधला आहे. #Mahindra #MahindraThar pic.twitter.com/PvKN0mW3tG
— अक्षय चोरगे (Akshay Chorge) (@AkshayChorge1) January 21, 2022
दरम्यान, तुम्ही ही बाब लक्षात ठेवा की जेव्हा कधी तुम्ही नवीन कार खरेदी कराल आणि तिची डिलिव्हरी घेण्यासाठी शोरुममध्ये जाल तेव्हा तुम्हाला ड्रायव्हिंगचा कमी अनुभव असल्यास तिथेच टेस्ट ड्राईव्ह घेऊ नका, त्याऐवजी एखाद्या अनुभवी ड्रायव्हरला सोबत न्या.
इतर बातम्या
शानदार ऑफर! 4.30 लाखांची Datsun कार 2.75 लाखात खरेदीची संधी
पेट्रोल-डिझेलच्या वाढत्या किंमतींमुळे ग्राहक त्रस्त, Tata Motors उद्या दोन नवीन CNG कार लाँच करणार
धमाकेदार ऑफर! Maruti Alto अर्ध्या किंमतीत खरेदीची संधी, कार आवडली नाही तर पैसे परत
(Mahindra Thar Test drive gone wrong, Customer drives it through showroom’s glass wall)
