सेकंड हँन्ड टू व्हीलर घेताना या गोष्टींची घ्या काळजी, होणार नाही फसगत

मुंबई : सेकंड हँड टू व्हीलर (Second Hand two wheeler) खरेदी करणे हा अनेक प्रकारे फायदेशीर सौदा आहे, परंतु कधीकधी खरेदी करताना काही गोष्टींची काळजी घेतली नाही तर फायदेशीर सौदा तोट्यात बदलतो. म्हणूनच आम्ही तुम्हाला पुढे काही गोष्टी सांगणार आहोत, हे लक्षात घेऊन तुम्ही हे संभाव्य नुकसान टाळू शकता. सर्वप्रथम तुम्ही जी बाईक खरेदी करणार आहात. त्या बाईकच्या कागदपत्रांपासून ते बाईकच्या मॉडेलपर्यंत, ती कधी खरेदी केली? तिचा वापर किती झाला? या बाईकमध्ये किंवा तुम्ही खरेदी करत असलेल्या मॉडेलमध्ये काय कमतरता होती? बाजारात त्याला कसा प्रतिसाद मिळाला याची नीट माहिती करा.

गाडी निट तपासा

तुम्ही जी बाईक किंवा स्कूटर विकत घेणार आहात, ती सर्व बाजूंनी पहा, जर डेंट-पेंट कोणत्याही प्रकारे दिसत असेल किंवा त्याचा कोणताही भाग सदोष किंवा खराब झाला असेल तर. ते काळजीपूर्वक तपासा. त्याचे टायर्स देखील पहा, जेणेकरून त्याच्या स्थितीचा अधिक अचूक अंदाज लावता येईल. याशिवाय, ते सुरू करा आणि बॅटरीवरील हेडलाइट्स, इंडिकेटर, ब्रेक लाइट्स, हॉर्न आणि डॅश बोर्ड लाइट तपासा.

इंजिन तपासा

दुचाकी सुरू करण्यापूर्वी इंजिनमधून तेल गळत आहे का ते तपासा, त्यानंतर इंजिन सुरू करा आणि त्याचा आवाज काळजीपूर्वक ऐका. यातून काही त्रासदायक आवाज येत आहे का? तसेच, सायलेन्सरमधून निघणारा धूर पहा, जर धूर काळा असेल तर इंजिनमध्ये काही समस्या असू शकते.

एक टेस्ट राइड घ्या

तुम्ही जी दुचाकी विकत घेणार आहात त्याची टेस्ट राइड घेणे खूप महत्त्वाचे आहे. जेणेकरून तुम्हाला त्याचा क्लच, ब्रेक, एक्सलेटर आणि ती कशी चालते हे तपासता येईल.