Touchscreen Bike पाहिली का? बोटांनी अशी होते कंट्रोल

नवी दिल्ली | 28 ऑक्टोबर 2023 : आता अनेक कारमध्ये टचस्क्रीनचे मॉर्डन फीचर देण्यात आले आहे. टचस्क्रीन डिस्प्लेमुळे आवडची गाणी, फोन कनेक्टिव्हिटी, एफएम अशा सुविधा मिळतात. पण टचस्क्रीनचा प्रयोग बाईकमध्ये तुम्ही पाहिला आहे का? अशा बाईक आपल्या अवतीभवती तरी नक्कीच नाहीत. सध्या मॉर्डन बाईकमध्ये डिजिटल डिस्प्ले दिसत आहे. पण त्याचा वापर मर्यादीत आहे. हे फीचर काही टचस्क्रीन नाही. तंत्रज्ञान इतके प्रगत झाले असताना पण दुचाकी कंपन्या टचस्क्रीन डिस्प्लेची दुचाकी का बरं आणतं नसतील? इतके नवनवीन फीचर जोडताना नेमका या उत्पादक कंपन्यांना टचस्क्रीन फीचरचाच का विसर पडत असेल बरं?

काही कंपन्या देतात फीचर

बाजारात काही मोटारसायकलमध्ये टचस्क्रीन मिळते. पण त्याचे प्रमाण अत्यंत कमी आहे. भारतीय बाजारात टॉप टू-व्हीलर्स कंपन्या नवीन मोटरसायकलमध्ये सेमी-डिजिटल वा डिजिटल इन्फोटेनमेंट स्क्रीनसह या दुचाकींची विक्री करतात. अर्थात या कंपन्या अगदी बोटावर मोजण्या इतक्या आहेत.

टचस्क्रीन बाईक

आंतरराष्ट्रीय दुचाकी बाजारात हार्ले-डेव्हिडसन आणि भारतीय मोटारसायकल कंपन्या त्यांच्या बाईकमध्ये टचस्क्रीनचा वापर करतात. या दोन्ही अमेरिकन ब्रँड्सच्या बाईकमध्ये टचस्क्रीन सहज उपलब्ध आहे. हार्ले डेव्हिडसन आणि इंडियन मोटारसायकलने स्वतः हे इन्फोटेन्मेट सिस्टिम विकसीत केली आहे. त्याला टचस्क्रीन देण्यात आली आहे. हार्ले-डेव्हिडसनच्या इन्फोटेनमेंट सिस्टिमचे नाव Boom Box आहे. तर इंडियन मोटारसायकलच्या नवीन सिस्टिमचे नाव Ride Command असे आहे. या दोन्ही सिस्टिम वाहनधारकांना टचस्क्रीन डिस्प्ले फीचर देतात.

या बाईकमध्ये आहे टचस्क्रीन

हार्ले डेव्हिडसनच्या Street Glide बाईकमध्ये बूम बॉक्स इन्फोटेनमेंट सिस्टिमसह टचस्क्रीन मिळते. तर इंडिया मोटारसायकलमध्ये या बाईकच्या एक्स-शोरुमची किंमत 37.49 लाख रुपयांपासून सुरु होते. इंडियन मोटरसायकलच्या Roadmaster आणि Chieftain Elite या सारख्या बाईकमध्ये टचस्क्रीनची सुविधा देण्यात आली आहे. रोडमास्टर आणि चीफटेन एलिटसाठी जवळपास 40-47 लाख रुपयांचे बजेट असेल.

काय आहेत फायदे बोट लावताच टचस्क्रीन डिस्प्ले माहिती देईल. या टचस्क्रीनमध्ये GPS नॅव्हिगेशन, हवामानातील बदल, बाईकचा वेग, समोरील वाहतूकीची सध्यस्थिती, कुठे कोंडी आहे. कुठे रस्ता मोकळा आहे, याची आगाऊ माहिती देईल. तसेच यापूर्वी बाईक कुठे उभी केली ते कळते. AM/FM रेडिओ, ब्लूटूथ कनेक्टिव्हिटी, युएसबी ऑडिओ डिव्हाईस असे अनेक फीचर्स मिळतात.