Special Coin : देशात प्रथमच 175 रुपयाचे नाणे!, जाणून घ्या नाण्याबाबतची संपूर्ण माहिती

नवी दिल्ली : एखादं नवं नाणं आपल्या हातात कधी येतंय असं लोकांना वाटतं असतं. तसेत एकदा ते हातात आलं की काही ते जपून ठेवतात. आत्तापर्यत सरकारकडून अनेक नवी नाणी जारी करण्यात आली. तसेच त्याचं आकर्षण भारतीयांना अधिक असल्याचं पाहायला मिळतं. लवकरच देशात 175 रुपयांचे स्मरणार्थी नाणे जारी होणार आहे. विशेष म्हणजे रुरकी, उत्तराखंड येथील इंडियन इन्स्टिट्यूट ऑफ टेक्नॉलॉजीच्या (Indian Institute of Technology at Roorkee) स्थापनेच्या 175 व्या वर्धापन दिनानिमित्त केंद्र सरकार (central Government) 5 रुपयांचे विशेष नाणे जारी करणार आहे. नाण्यांचा अभ्यास करणारे सुधीर लुणावत (Sudhir lunawat) यांनी याबाबत माहिती जाहीर केली आहे.

अंदाजे किंमत 4 हजार रूपयांच्या जवळपास असेल

हे नाणे भारत सरकारच्या मुंबई टांकसाळीत टाकले जाईल. त्यामुळे नाण्याची अंदाजे किंमत 4 हजार रूपयांच्या जवळपास असेल. ते म्हणाले की, यापूर्वीही केंद्र सरकारने विविध प्रसंगी 60 रुपये, 75 रुपये, 125 रुपये , 150 रुपये, 250 रुपये, 350 रुपये, 400 रुपये, 500 रुपये, 550 रुपये आणि 1,000 रुपयांची स्मरणार्थ नाणी जारी केली आहेत.

नाणं कसं असेल

नाण्याच्या दुसऱ्या बाजूला अशोक स्तंभाच्या खालच्या बाजूला सत्यमेव जयते आणि ओमच्या चिन्हासह 175 लिहिलेले असेल. उजव्या आणि डावीकडे हिंदी आणि इंग्रजीमध्ये रुपये आणि भारत लिहिलेले असेल.

1. 35 ग्रॅम वजन
2. 50% चांदी
3. 40% तांबे
4. 5 टक्के निकेल
5. 5 टक्के जस्त
6. 44 मिमी गोल