7th Pay Commission: मोदी कॅबिनेटचा मोठा निर्णय, केंद्रीय कर्मचाऱ्यांना 28 टक्के DA मिळणार

नवी दिल्लीः दीड वर्षाहून अधिक काळ वाढलेल्या डीए आणि थकबाकीच्या प्रतीक्षेत असलेल्या कोट्यवधी केंद्रीय कर्मचाऱ्यांना सरकारने मोठा दिलासा दिलाय. सूत्रांनी दिलेल्या माहितीनुसार, गेल्या 1 वर्षात तीनदा महागाई भत्त्याला (DA) ब्रेक लागला होता. परंतु आता 1 जुलैपासून सामान्य महागाई भत्ता मिळणार आहे. म्हणजेच आतापर्यंत केंद्रीय कर्मचार्‍यांना 17 टक्के मिळणारा महागाई भत्ता आता 11 टक्क्यांनी वाढून थेट 28 टक्के होणार आहे. आज दुपारी तीन वाजता सरकार पत्रकार परिषद घेऊन याबाबत माहिती देईल. यास आर्थिक व्यवहारविषयक कॅबिनेट समितीने (सीसीईए) मान्यता दिली आहे. (7th pay commission big decision of modi cabinet central employees will get 28 da)

डीए 17 ते 28 टक्के झाला

जानेवारी 2020 मध्ये केंद्रीय कर्मचार्‍यांच्या डीएमध्ये चार टक्के वाढ करण्यात आली. यानंतर दुसऱ्या सहामाहीत (जून 2020) तीन टक्क्यांनी वाढ झाली. जानेवारी 2021 मध्ये यात चार टक्क्यांनी वाढ झाली होती. अशा प्रकारे कर्मचार्‍यांना डीए 17 टक्क्यांवरून 28 टक्क्यांपर्यंत वाढवून फायदा होणार आहे. मात्र, सरकारने गेल्या वर्षी जानेवारीपासून त्यावर बंदी घातली होती. आता दीड वर्षानंतर तिन्ही हप्त्यांवरील स्थगिती काढून टाकण्यात आली.

कोरोनामुळे गोठवला होता डीए

कोरोना महामारीमुळे सरकारने डीए गोठविला होता. यासह माजी कर्मचार्‍यांच्या डीआरचे हप्तेही दिले गेले नाहीत. अर्थ मंत्रालयाने जून 2021 पर्यंत 50 लाखांहून अधिक केंद्र सरकारचे कर्मचारी आणि 61 लाख निवृत्तीवेतनधारकांना महागाई भत्ता (DA) वाढवून देण्याचे मान्य केले होते.

महागाई भत्ता म्हणजे काय?

महागाई भत्ता हा पगाराचा एक भाग आहे. कर्मचार्‍याच्या मूलभूत पगाराची ती निश्चित टक्केवारी आहे. देशातील महागाईचा परिणाम कमी करण्यासाठी सरकार आपल्या कर्मचार्‍यांना महागाई भत्ता देते. ते वेळोवेळी वाढविले जाते. सेवानिवृत्त कर्मचार्‍यांनाही त्याचा लाभ मिळतो.

अशा प्रकारे डीएची गणना केली जाते

महागाई भत्ता (DA) च्या मोजणीसाठी सरकार अखिल भारतीय ग्राहक किंमत निर्देशांकावर आधारित महागाई दर हा आधार मानते आणि त्याआधारे दर दोन वर्षांनी सरकारी कर्मचार्‍यांच्या डीएमध्ये बदल केला जातो.

संबंधित बातम्या

SBI Alert! तुम्हाला ही लिंक मिळाल्यास व्हा सावध, अन्यथा बँक बॅलन्स होणार शून्य

7th Pay Commission: कोरोना काळात 52 लाख केंद्रीय कर्मचाऱ्यांना घरे बांधण्यासाठी सरकारकडून गिफ्ट

7th pay commission big decision of modi cabinet central employees will get 28 da