गोऱ्या साहेबांच्या देशात Adar Poonawalla यांचा महल, इतक्या हजार कोटींची झाली डील

नवी दिल्ली | 13 डिसेंबर 2023 : भारताचा ‘Vaccine Prince’ अदर पुनावाला याने लंडनमध्ये महागडे आलिशान घर खरेदी केले आहे. फायनेन्शिअल टाईम्सने याविषयीचे वृत्त दिले आहे. कोरोनावर प्रभावी कोविशील्ड व्हॅक्सीन तयार करणाऱ्या पुण्यातील सीरम इन्स्टिट्यूट ऑफ इंडियाचे अदर पुनावाला सीईओ आहेत. पुनावाला यांनी लंडनमध्ये सर्वात महागडे घरं खरेदी केले आहे. या करार जवळपास 1446 कोटी रुपयांमध्ये पूर्ण झाला आहे. 25,000 चौरस फुटावर पुनावाला यांचा हा महल आहे. एबरकोनवे हाऊस हाईड पार्कच्या जवळ हा बंगला 1920 मध्ये बांधण्यात आला होता. हे घर पोलंडचे सर्वात श्रीमंत उद्योगपती जॉन कुलजिक यांच्या मालकिचे आहे. त्यांची मुलगी डोमिनिका कुलजिक यांच्या सहमतीने त्यांनी घर खरेदी केले.

मोठी हवेली

सूत्रांच्या माहितीनुसार, सीरम इन्स्टिट्यूट ऑफ इंडियाची इंग्लंडमधील सहायक कंपनी सीरम लाईफ सायंसेज ही मालमत्ता खरेदी करणार आहे. हे घर लाल विटांचे आहे. हेनरी डंकन मॅकलेरन, बॅरन एबरकोनवे या व्यावसायिकांच्या नावाआधारे या घराचे नाव ठेवण्यात आले आहे. या दोघांनी मिळून हा ग्रोसवेनर स्केअर महल तयार केला.

कंपनीचे गेस्ट हाऊस

या आलिशान बंगल्यात कंपनीचे गेस्ट हाऊस पण तयार करण्यात आले आहे. त्याठिकाणी विविध कार्यक्रम, बैठकी, इव्हेंट घेण्यासाठी जागा तयार करण्यात आली आहे. हा सौदा युरोपियन संघाच्या चलनात 138 दशलक्ष युरोत ठरला आहे. हा लंडनमधील दुसरा सर्वात मोठा महागडा सौदा ठरला आहे. जानेवारी 2020 मध्ये पहिला सर्वात महागडा सौदा झाला होता. त्यावेळी आलिशान घरासाठी 210 दशलक्ष युरो मोजण्यात आले होते.

लंडनच्या रिअल इस्टेटमध्ये भारतीयांचा दबदबा

इंग्लंडच्या प्रमुख विकासकांपैकी एक Barratt London ने लंडन रिअल इस्टेटसंदर्भात जवळपास एक वर्षांपूर्वी एक अहवाल तयार केला. या अहवालातील आकडेमोड आता समोर आली आहे. या अहवालाने हा गौप्यस्फोट केला आहे. त्यानुसार, लंडन प्रॉपर्टी मार्केटमध्ये भारतीयांचे प्राबल्य वाढले आहे. Barratt London नुसार, रिअल इस्टेटमध्ये भारतीयांनी इंग्रजांना मात दिली आहे. मालमत्तांच्या मालकी बाबत इंग्रजापेक्षा भारतीय सर्वात पुढे आहे.