Budget 2024 : अर्थसंकल्पापूर्वी आणि नंतर पण करा बंपर कमाई, हे शेअर करतील मालामाल

Budget 2024 चा बिगुल वाजला आहे. आता अर्थसंकल्पापूर्वी 11 व्यापारी सत्र उरलेले आहेत. अनेक जण शेअर बाजाराकडे डोळे लावून बसले आहेत. काहींना या काळात कमाईचा मोका हवा आहे. काहींना कमी कालावधीत मालामाल व्हायचं आहे. पण त्यांना कोणता स्टॉक घौडदौड करेल याविषयीचा अंदाज लावता येत नाही. त्यांच्यासाठी CNBC आवाजने या शेअरवर लक्ष ठेवण्यास सांगितले आहे. कोणते आहेत ते शेअर?

L&T ची घौडदौड

प्रकाश गाबाचे प्रकाश दीवान यांच्या आधारे सीएनबीसी-आवाजने एलअँडटी कंपनीचा शेअर खरेदीचा सल्ला दिला आहे. अर्थसंकल्पात पायाभूत सोयी-सुविधांवर सरकार भर देण्याचा अंदाज आहे. त्यामुळे या शेअरमध्ये गुंतवणूक करणाऱ्यांना मोठा फायदा होईल. एलअँडटी 3500 रुपयांचा सपोर्ट करतो. हा शेअर बजेटपर्यंत 3800-4,000 रुपयांपर्यंत झेप घेण्याची शक्यता आहे. या स्टॉकचा 52 आठवड्यातील उच्चांक 3,919.90 रुपये तर 52 आठवड्यातील निच्चांक 2,420 रुपये आहे. या स्टॉकचा ट्रेडिंग वॉल्यूम 17,06,210 इतके शेअर आहे. तर मार्केट कॅप 510,653 रुपये आहे. या स्टॉकने एका आठवड्यात 2.99 टक्के सकारात्मक परतावा दिला आहे. तर 1 महिन्यात 2.82 टक्के तर एका वर्षात 48.28 टक्के रिटर्न दिला आहे.

Pennar Industries शेअरचा करणार कमाल?

मार्केटस्मिथ इंडियाचे हेड इक्विटी रिसर्च मयुरेश जोशी यांच्या आधारे सीएनबीसी-आवाजने पेन्नार इंडस्ट्रीज हा शेअर खरेदीचा सल्ला दिला आहे. या शेअरमध्ये आगामी बजेटपर्यंत 20 टक्क्यांपर्यंत तेजीचे सत्र दिसण्याची शक्यता त्यांनी वर्तवली आहे. या शेअरची 52 आठवड्यातील उच्चांकी कामगिरी 191.70रुपये आहे. या शेअरने एका आठवड्यात 0.43 टक्क्यांचा पॉझिटिव्ह रिटर्न दिला आहे. तर एका महिन्यात 2.26 टक्के आणि एका वर्षात 107.83 टक्क्यांचा रिटर्न दिला. तर तीन वर्षांत हा स्टॉक 450.46 टक्के वाढला. हे दोन्ही स्टॉक बाजारात तुफान घौडदौड करण्याची शक्यता वर्तविण्यात येत आहे.

सूचना : हा शेअरचा केवळ लेखाजोखा आहे. या शेअरची कामगिरी आहे. गुंतवणूक करण्यापूर्वी तुम्ही प्रमाणित गुंतवणूक सल्लागाराकडून सल्ला आवश्य घ्या. तुमचा कोणत्या ही प्रकारचा फायदा अथवा नुकसानीला TV9 मराठी जबाबदार नसेल. पेनी शेअरमध्ये गुंतवणूक करताना जागरुक राहा. कंपनीचे फंडामेंटल तपासा. भूलथापांना अजिबात बळी पडू नका.