Petrol Diesel Price Today : कच्चे तेल घेत आहे फिरकी, पेट्रोल-डिझेलच्या भावात सातत्याने आलटी-पलटी

Petrol Diesel Price Today : जागतिक बाजारात अमेरिकेने व्याजदर वाढविल्याने डॉलरचा मोठा दबाव तयार झाला आहे. त्यामुळे कच्चा तेलाच्या किंमतीत सातत्याने चढउतार होत आहे. आज पेट्रोल-डिझेलचा भाव काय

आजचा भाव काय

KALYAN DESHMUKH | Updated on: May 05, 2023 | 8:34 AM

नवी दिल्ली : जागतिक बाजारात डॉलरचा दबाव वाढत आहे. अमेरिकेन केंद्रीय बँक, फेडरल रिझर्व्हच्या धोरणामुळे उलथापालथ सुरु आहे. फेडरल रिझर्व्हने व्याजदरात 0.25 बेसिस पॉईंटची वाढ केली. त्यामुळे सोने-चांदी, इंधनावर परिणाम दिसून येत आहे. सरकारी तेल कंपन्यांनी सकाळी 6 वाजता इंधनाचे भाव जाहीर केले. शुक्रवारी कच्चा तेलाचे दर किंचित वाढले. काल भाव गडगडले होते. आज 5 मे रोजी, डब्ल्यूटीआई क्रूड ऑईल (WTI Crude Oil) 68.70 डॉलर प्रति बॅरलवर पोहचले. तर ब्रेंट क्रूड ऑईल (Brent Crude Oil) 72.61 डॉलरहून प्रति बॅरलवर आले आहे. आज सर्वच शहरात पेट्रोल-डिझेलच्या किंमतीत (Petrol Diesel Price) मोठा बदल दिसला नाही. तुमच्या शहरातील इंधनाचा दर किती आहे, जाणून घेऊयात.

इंधन होईल स्वस्त सूत्रांच्या माहितीनुसार. पेट्रोल-डिझेलच्या किंमती लवकरच कमी होतील. पुढील 6 महिन्यात हळूहळू पेट्रोल-डिझेलच्या किंमती कमी होतील. तज्ज्ञांच्या मते, सध्या पेट्रोल-डिझेलच्या किंमतीत 20 रुपयांची कपात होण्याची संभावना आहे. ही कपात एकदाच होणार नाही. तर टप्प्याटप्प्याने ही कपात करण्यात येईल.

जून महिन्यात पहिली कपात मे महिन्यात कर्नाटक राज्यातील निवडणूक आहे. त्यानंतर 4 राज्यातील निवडणूका होतील. पुढील वर्षी लोकसभेच्या निवडणूका होत आहे. त्यामुळे केंद्र सरकार पेट्रोल-डिझेल कार्ड खेळण्याच्या तयारीत आहे. याच कालावधीत इंधन स्वस्त होण्याची शक्यता आहे.

भाव एका SMS वर

भारतीय तेल विपणन कंपन्या दररोज सकाळी 6 वाजता इंधनाचे नवीन दर जाहीर करण्यात येतात.
देशात राज्याचा कर, स्थानिक स्वराज्य संस्थांचा कर, पंपधारकांचे कमिशन यामुळे किंमतीत फरक दिसतो.
त्याआधारे देशातील विविध शहरातील इंधनाच्या दरात तफावत दिसते.
पेट्रोल-डिझेलचे रोजचे दर तुम्ही एसएमएसद्वारे जाणून घेऊ शकता.
इंडियन ऑईलच्या ग्राहकांनी RSP असे लिहून 9224992249 या क्रमांक आजचे नवीन दर कळतील.
इंधनाचे दर जाणून घेण्यासाठी ग्राहकांना पंपावर जायची गरज नाही.
बीपीसीएलच्या ग्राहकांनाही घरबसल्या त्याच्या मोबाईलवर भाव कळू शकतात.
त्याने मोबाईल मॅसेजमध्ये RSP लिहून हा मॅसेज 9223112222 या क्रमांकावर पाठवावा.
त्यानंतर कंपनी त्याला एसएमएसद्वारे (SMS) आजचे अपडेट दर कळवेल.
एचपीसीएल ग्राहकांना HPPrice असे लिहून 9222201122 या क्रमांकावर एसएमएस करावा लागेल.

राज्यातील प्रमुख शहरातील भाव (Source:goodreturns)