DigiYatra App: …आता विमानतळावर कोणत्याही मनस्तापशिवाय होणार प्रवेश; मोबाईलमधील एकाच ॲपने होणार सर्व कामं

सध्या, Digiyatra App वापरणे पूर्णपणे प्रवाशांच्या इच्छेवर अवलंबून आहे. ज्या प्रवाशांना ते वापरायचे आहे ते ते डाउनलोड करू शकतात. नोंदणीसाठी प्रवाशांना आधार तपशील द्यावा लागणार आहे. याशिवाय, त्यांना कोविड-19 लसीकरणाबाबत माहितीसह सेल्फी अपलोड करणे गरजेचे असणार आहे.

DigiYatra App: ...आता विमानतळावर कोणत्याही मनस्तापशिवाय होणार प्रवेश; मोबाईलमधील एकाच ॲपने होणार सर्व कामं
महादेव कांबळे

|

Aug 16, 2022 | 4:09 PM

नवी दिल्लीः दिल्ली इंटरनॅशनल एअरपोर्ट लिमिटेड (DIAL) कडून नुकताच एका निवेदनाद्वारे जाहीर करण्यात आले आहे की, मोबाईलमधील ॲपच्या मदतीने, चेहऱ्याच्या ओळखीच्या आधारावर सर्व चेकपॉईंटवर प्रवाशांना प्रवेश दिला जाणार आहे. एअरपोर्ट एन्ट्री, सिक्युरिटी चेक आणि बोर्डिंग गेट या तिन्ही ठिकाणी या ॲपवरूनच प्रवेश दिला जाणार आहे. दिल्ली विमानतळावर, टी 3 टर्मिनलवर देशांतर्गत प्रवाशांसाठी हे सुरू करण्यात आले आहे. स्वातंत्र्यदिनाच्या दुसऱ्या दिवशीच विमानाने प्रवास करणाऱ्यांना यावेळी एक आनंदाची बातमी देण्यात आली आहे. दिल्ली विमानतळ आणि बंगळुरू विमानतळाच्या देशांतर्गत प्रवाशांच्या चेहऱ्याच्या ओळखीसाठी (Digiyatra App)’ हे ॲप सुरू करण्यात आले आहे. या ॲपमुळे प्रवाशांची विमानतळावर होणाऱ्या सर्व त्रासांपासून सुटका होणार आहे. सध्या या ॲपचे बीटा व्हर्जन लाँच करण्यात आले आहे आणि लवकरच ते फुल स्केलवर ऑफर केले जाण्याची शक्यता आहे.

दिल्ली विमानतळाच्या या टर्मिनलपासून सुरुवात

दिल्ली इंटरनॅशनल एअरपोर्ट लिमिटेड (DIAL) ने एका निवेदनात म्हटले आहे की, या ॲपच्या साहाय्याने चेहऱ्याच्या आधारावर प्रवाशांची प्रवेश सर्व चेकपॉईंटवर केले जाणार आहेत. एअरपोर्ट एन्ट्री, सिक्युरिटी चेक आणि बोर्डिंग गेट या तिन्ही ठिकाणी या ॲपवरूनच प्रवेश दिले जाणार आहेत. दिल्ली विमानतळावर, T3 टर्मिनलवर देशांतर्गत प्रवाशांसाठी बे ॲप सुरू करण्यात आले आहे. एअर एशिया इंडिया, एअर इंडिया, इंडिगो, स्पाइसजेट आणि विस्तारा या टर्मिनलवरून हे ॲप चालणार आहे.

ॲपलच्या iOS प्लॅटफॉर्मवरही हे ॲप

बेंगळुरू इंटरनॅशनल एअरपोर्ट लिमिटेड (BIAL) कडून त्यांच्या एका वेगळ्या निवेदनामध्ये Digiyatra बायोमेट्रिक बोर्डिंग सिस्टमच्या बीटाची विस्तारा आणि एअर एशिया फ्लाइट्सवर चाचणी घेण्यात आली आहे. तर त्यांनी सांगितले की, Digiyatra App ची बीटा आवृत्ती Android OS साठी Play Store वर उपलब्ध आहे. ॲपलच्या iOS प्लॅटफॉर्मवरही हे ॲप पुढील काही आठवड्यांत उपलब्ध होणार आहे.

हे ॲप वापरणे सुरक्षित आहे

DIAL कडून जाहीरपणे सांगण्यात आले आहे की, हा एक बायोमेट्रिकचा अखंड प्रवासाचा आहे जो चेहरा ओळखणाऱ्या तंत्रज्ञानावर आधारित आहे. प्रवाशांना कोणत्याही अडचणीशिवाय आणि कागदपत्रांशिवाय विमानतळावर प्रवेश मिळवून देणे हा या पाठीमागचा उद्देश्य आहे. त्याच वेळी, BIAL ने सांगितले की या अॅपच्या मदतीने, प्रवाशांना यापुढे विमानाने प्रवास करण्यासाठी जवळ कागदपत्रे बाळगण्याची गरज नाही. आता प्रत्येक चेक पॉइंटवर बायोमेट्रिक तंत्रज्ञानाद्वारे त्यांची ओळख पटवली जाणार असून ही सगळी प्रक्रिया देखील अतिशय सुरक्षित आहे.

याप्रमाणे नोंदणी करा

सध्या, Digiyatra App वापरणे पूर्णपणे प्रवाशांच्या इच्छेवर अवलंबून आहे. ज्या प्रवाशांना ते वापरायचे आहे ते ते डाउनलोड करू शकतात. नोंदणीसाठी प्रवाशांना आधार तपशील द्यावा लागणार आहे. याशिवाय, त्यांना कोविड-19 लसीकरणाबाबत माहितीसह सेल्फी अपलोड करणे गरजेचे असणार आहे.

delhi-and-bengaluru-airports-launches-digiyatra-app-beta-version-for-face-recognition-seamless-entry

Non Stop LIVE Update

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें