Share Market : अगोदर केले करोडपती, आता आणले रोडवरती; या शेअरने गुंतवणुकदारांना फुटला घाम

Elcid Investment Share : शेअर बाजारात काही स्टॉक अचानक रॉकेट प्रमाणे झेप घेतात आणि नंतर गुंतवणूकदारांना जमिनीवर आणतात. अशीच काही गोष्ट Elcid Investments Ltd ची आहे. या शेअरने गुंतवणूकदारांना 24 तासात करोडपती केले. हा शेअर गेल्या 8 महिन्यात 60 टक्क्यांहून अधिकने घसरला आहे. या शेअरने अनेकांना कमी कालावधीत कोट्याधीश केले होते. तर आता या शेअरची किंमत अर्ध्यावर आली आहे. हा शेअर अजून घसरणा की काय ही चिंता गुंतवणूकदारांना सतावत आहे.

100 रुपयांहून थेट 2 लाखांवर

Elcid Investments चे नाव तेव्हा चर्चेत आले जेव्हा हा शेअर अचानक 100 रुपयांहून थेट 2 लाख रुपयांपर्यंत गेला. या शेअरने काही तासातच गुंतवणूकदारांना जबरदस्त परतावा दिला. पण आता हा शेअर 77,902 रुपयांच्या जवळपास ट्रेड करत आहे. या शेअरमध्ये घसरण अद्यापही सुरूच आहे.

का वाढला हा शेअर?

Elcid Investments ची खरी ताकद ही त्याच्या होल्डिंग व्हॅल्यूमध्ये दडलेली आहे. या कंपनीचा Asian Paints सारख्या दिग्गज कंपन्यांमध्ये वाटा आहे. 2023 मध्ये या कंपनीचा बुक व्हॅल्यू प्रति शेअर 6 लाख रुपयांहून अधिक होती. तर शेअरची मार्केट किंमत कमी होती. यामुळे गुंतवणूकदारांनी या शेअरवर उड्या मारल्या. या स्टॉक मागणीच्या लाटेवर स्वार झाला.

मग ही घसरण का?

या शेअरमध्ये मोठी तेजी आली असताना पण या शेअरमध्ये कमी खरेदी-विक्रीमुळे आणि इतर कारणांमुळे गुंतवणूकदारांनी नफा वसूली सुरू केली. प्रमोटर्सकडे या कंपनीचे 90 टक्क्यांहून अधिकचे शेअर आहेत. बाजारात या शेअरची उपलब्धता अत्यंत कमी आहे. या शेअरचा व्हॅल्यूम कमी आणि घसरण अधिक अशी परिस्थिती आहे.

Unlisted Category आणि Delisting ची चर्चा

Elcid Investments हे दीर्घकाळापासून एक विशेष प्रकरण म्हणून बाजारात ओळखल्या जाते. कारण हा शेअर बीएसई एसएमई प्लॅटफॉर्मवर ट्रेड होतो. या शेअरच्या डीलिस्टींगची चर्चा सुरू आहे. या कंपनीच्या गुंतवणूकदारांना पारदर्शकता आणि योग्य माहिती मिळत नसल्याचा आरोप करण्यात येतो.