AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Gautam Singhania | गौतम सिंघानिया यांनी अखेर सोडले मौन! कर्मचाऱ्यांना दिला हा संदेश

Gautam Singhania | खासगी आयुष्यातील वाद चव्हाट्यावर आल्याने रेमंडचे मोठे नुकसान झाले. गौतम सिंघानिया यांनी दिवाळीत पत्नी नवाज मोदीपासून फारकत घेत असल्याचे समाज माध्यमावर जाहीर केले होते. त्यानंतर अनेक वादळं येऊन गेली. या कठीण प्रसंगात त्यांनी रेमंडच्या कर्मचाऱ्यांना भावनिक साद घातली आहे. काय केले त्यांनी आवाहन..

Gautam Singhania | गौतम सिंघानिया यांनी अखेर सोडले मौन! कर्मचाऱ्यांना दिला हा संदेश
Image Credit source: Gautam Singhania's X Handel
| Updated on: Nov 28, 2023 | 9:37 AM
Share

नवी दिल्ली | 28 नोव्हेंबर 2023 : रेमंड कंपनीचे मालक गौतम सिंघानिया (Gautam Singhania) आणि त्यांची पत्नी नवाज मोदी यांच्यातील कौटुंबिक वाद जगजाहीर झाला. दोघांचा प्रत्येक दिवस नवीन आरोपांसह उगवतो. दिवाळीत गौतम सिंघानिया यांनी त्यांच्या एक्स हँडलवर एक पोस्ट टाकत ही दिवाळी नेहमीसारखी आनंददायी नसल्याचे सांगितले आणि पत्नीपासून फारकत घेत असल्याचे जाहीर केले. त्यावर नवाज मोदी सिंघानिया यांनी त्यांच्यावर पलटवार केला. मारहाणीचे आरोप केले. त्यांचे वडील विजयपत सिंघानिया (Vijaypat Singhania) यांनी गौतम यांच्याविरोधात आरोपांची राळ उठवली आणि सूनेची कड घेतली. या सर्व घडामोडींमुळे रेमंडच्या शेअरला मोठा फटका बसला. 1700 कोटी रुपयांचे बाजारातील भांडवल घसरले. 13 नोव्हेंबरनंतर गौतम सिंघानिया यांनी कोणतीची प्रतिक्रिया दिलेली नव्हती. पण त्यांनी आता रेमंडच्या कर्मचाऱ्यांशी, संचालकांशी संवाद साधला आहे. त्यांनी कर्मचाऱ्यांना एक ई-मेल पाठवला आहे. त्यात त्यांनी ही भावनिक साद घातली आहे.

कामकाजावर नाही होणार परिणाम

रेमंडचे चेअरमन आणि एमडी गौतम सिंघानिया यांनी संचालक मंडळ, कर्मचारी यांना ई-मेल पाठवला. त्यात मीडियातील खासगी वादावरच्या बातम्यांचा पाऊस पडल्याचा उल्लेख केला आहे. पण खासगी आयुष्यातील या वादळाचा रेमंडच्या कामकाजावर, व्यापारावर, व्यवसायावर कुठलाच परिणाम होणार नसल्याचे वचन त्यांनी कर्मचाऱ्यांना दिले. कुटुंबाच्या सन्मानासाठी हे मौन धारण केल्याचे ते म्हणाले. एमडी आणि चेअरमन म्हणून माझी जबाबदारी याची मला जाणीव आहे. मी कामाप्रती समर्पित आहे. या कठीण प्रसंगात कंपनीच्या कामाकाजात कुठलाही अडथळा येणार नसल्याचा दावा त्यांनी केला.

नवाजने केला मारहाणीचा आरोप

गौतम सिंघानिया यांच्या फारकतीच्या निर्णयाने कुटुंबातील वाद समोर आला. गौतम यांनी मुलीला आणि आपल्याला जबर मारहाण केल्याचा आरोप पत्नी नवाजने केला. नवाजने पोटगीसाठी कंपनीच्या जवळपास 1.4 अब्ज डॉलर संपत्तीपैकी 75 टक्के वाट्यावर दावा ठोकला आहे. रेमंड समूह हा टेक्सटाईल आणि कपड्यांच्या सेगमेंटमध्ये जागतिक पातळीवरील मोठा ब्रँड आहे. कंझ्युमर केअर, बांधकाम आणि इंजिनिअरिंग सेक्टरमध्ये पण त्याचा दबदबा वाढत आहे.

कंपनीच्या घौडदौडीचा केला उल्लेख

सिंघानिया यांनी कर्मचाऱ्यांचा आत्मविश्वास वाढविण्यासाठी कंपनीच्या घौडदौडीचा उल्लेख केला आहे. रेमंड समूह गेल्या काही महिन्यांपासून सातत्याने उंचावत आहे. तिमाही निकाल पण उत्साहवर्धक आहे. इंजिनिअरिंग सेक्टरमधील व्यवसाय दुप्पट झाला आहे. डिफेंस, एअरोस्पेस आणि इलेक्ट्रिक व्हेईकल सेक्टरमध्ये रेमंड उतरत असल्याचे त्यांनी सांगितले. त्यामुळे शेअरधारक, गुंतवणूकदार, संचालक, कर्मचारी आणि ग्राहक या सर्वांच्या मदतीने रेमंड समूह अजून घौडदौड करण्याचा विश्वास त्यांनी व्यक्त केला.

Follow Us
मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान...
Sanjay Raut : मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान, राऊतांच्या दाव्याने खळबळ
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजप...
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजपलाही टाकलं मागे!
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे...
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे महाराष्ट्राचे लक्ष!
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला