Gold Silver Price : प्रजासत्ताक दिनी सोने खरेदीची संधी! 10 ग्रॅमचा भाव किती?

नवी दिल्ली : सोने-चांदीच्या किंमतीत (Gold and Silver Price Today) सातत्याने चढउतार सुरु आहे. आज सोन्याच्या किंमतीत काही भागात मोठी तफावत दिसली.  तर काही शहरात मोठा बदल झाला नाही. तर देशात चांदीच्या किंमतीतही मोठी तफावत दिसली नाही. देशात आज 22 कॅरेट 10 ग्रॅम सोन्याचा भाव 52,850 रुपये आहे. कालही हाच भाव होता. तर 24 कॅरेट सोन्याचा भाव 57,650 रुपये प्रति 10 ग्रॅम आहे. सोन्याचे दर दररोज बदलतात. शहरानुसार या भावात तफावत असते. गुड रिटर्न्स संकेतस्थळानुसार, एक किलो चांदीचा भाव आज 72,600 रुपये होता.

भारतीय मानके संस्थेद्वारे (Indian Standard Organization-ISO) सोन्याची शुद्धता ओळखण्यासाठी हॉलमार्क देण्यात येतो. 24 कॅरेट सोन्याच्या दागिन्यांवर 999, 23 कॅरेटवर 958, 22 कॅरेटवर 916, 21 कॅरेटवर 875 आणि 18 कॅरेटवर 750 अंकीत असते.

अनेक ठिकाणी ग्राहक 22 कॅरेट आणि 24 कॅरेट सोन्याची आग्रहाने मागणी करतात. या दोन्ही प्रकारच्या सोन्याची मोठ्या प्रमाणात विक्री होते. काही लोक 18 कॅरेट सोन्याचा वापर करतात. जेवढा कॅरेट सोने असेल, तेवढे सोने शुद्ध ठरते.

24 कॅरेट सोने 99.9% शुद्ध असते. 22 कॅरेट सोने जवळपास 91 टक्के शुद्ध होते. 22 कॅरेट सोन्यात 9% इतर धातू असतात. त्यात तांबे, चांदी, झिंक यांचा वापर करुन दागिने तयार करण्यात येतात. 24 कॅरेट सोने दमदार असते. पण त्याचा दागिने तयार करण्यासाठी वापर होत नाही. त्यामुळे अनेक सराफा दुकानदार 22 कॅरेट सोन्याची विक्री करतात.

ibja केंद्र सरकारने घोषीत केलेल्या सुट्यांच्या दिवशी, शनिवार आणि रविवारी दर जाहीर करत नाही. 22 कॅरेट आणि 18 कॅरेट सोन्याच्या किरकोळ भाव जाणून घेण्यासाठी ग्राहकांना 8955664433 या क्रमांकावर मिस्ड कॉल द्यावा लागेल. याशिवाय एसएमएस करुनही किंमती माहिती करुन घेता येईल.

आंतरराष्ट्रीय बाजारात सोन्याच्या किंमतीत वाढ झाली आहे. त्यामुळे केंद्र सरकारने बेस इंपोर्ट प्राईसमध्ये (Base Import Price) वाढ केली आहे. तर चांदीवरील बेस इंपोर्ट प्राईस घटवली. त्याआधारे सोने-चांदी आयात करणाऱ्या व्यापाऱ्यांवर कर आकारण्यात येईल.