Gold Price Today : बापरे ! एका आठवड्यात 6 हजारांनी महागलं सोनं, चांदीचे दरही चढेच… आज किती किंमत ?

भारतात सोन्याच्या दरात साप्ताहिक वाढ सुरूच आहे. एका आठवड्यात 24 कॅरेट सोन्याच्या दरात तब्बल 6 हजार 540 रुपयांची वाढ झाली आहे. एवढंच नव्हे तर 22 कॅरेट सोन्याचे दर 6 हजार 470 रुपयांनी वाढले आहेत.आज रविवार, 17 मे रोजी, देशाची राजधानी दिल्लीत 24 कॅरेट सोन्याचा भाव प्रति 10 ग्रॅमसाठी तब्ल 1 लाख 57 हजार, 080 रुपये इतका आहे. शुक्रवार, 15 मे रोजी दिल्ली सराफा बाजारात 99.9 टक्के शुद्ध सोन्याचा भाव 3200 रुपयांनी, म्हणजेच 1.93 टक्क्यांनी घसरून प्रति १० ग्रॅम 1,62,000 रुपयांवर आला. डॉलरच्या मजबुतीमुळे आणि गुंतवणूकदारांनी मोठ्या प्रमाणात नफावसुली केल्यामुळे ही घसरण झाली. आंतरराष्ट्रीय बाजारात स्पॉट गोल्डचा भाव प्रति औंस 4,548.46 डॉलर्स इतका आहे.

देशातील प्रमुख शहरांमध्ये सोन्याचे दर

राजधानी दिल्लीतमध्ये 10 ग्रॅमचं 24 कॅरेट सोनं हे 1,57,080 रुपयांना तर 22 कॅरेट सोनं हे 1,44,000 दराने विकलं जात आहे. तर आर्थिक राजधानी मुंबईत आणि कोलकाता येथे 24 कॅरेट सोन्याची किंमत 1,56,930 रुपये आणि 22 कॅरेट सोन्याची किंमत 1,43,850 रुपये इतकी आहे.

चेन्नईमध्ये सोन्याचे दर सर्वाधिक असून 24 कॅरेटच्या 10 ग्रॅम सोन्यासाठी 1, 60, 910 रुपये तर 22 कॅरेटसाठी 1,47,500 रुपये मोजावे लागतील. पुणे व बंगळुरूमध्ये 24 कॅरेटचं 10 ग्रॅम सोनं 1,56,930 रुपयांना आणि 22 कॅरेट सोनं हे 1,43,850 रुपयांना विकलं जातंय.

चांदीचे दर किती ?

सोन्याप्रमाणेच चांदी या आणखी एका मौल्यवान धातूच्या किमतीतही साप्ताहिक वाढ होताना दिसली. चांदी 5000 रुपयांनी महागली आहे. 17 मे रोजी सकाळी चांदीचा भाव 2,80,00 रुपये प्रति किलोग्राम होता. शुक्रवार, १15५ मे रोजी दिल्लीच्या सराफा बाजारात चांदीचा भाव 21,600 रुपयांनी किंवा 7.3 टक्क्यांनी घसरून 2,75,000 रुपये प्रति किलोग्राम झाला. यावर्षी जानेवारी महिन्यात देशात चांदीच्या भावाने 4 लाख रुपयांचा आकडा ओलांडला होता. मात्र त्ायनंतर चांदीचे भाव खाली घसरले. सध्या आंतरराष्ट्रीय बाजारात स्पॉट सिल्व्हरचा भाव 78.21 डॉलर प्रति औंस इतका आहे.