Gold Silver Rate Today 14 January 2025 : महागाईचा पतंग आकाशी, दणक्यात वधारले सोने-चांदी, काय आहेत किंमती?

नवीन वर्षात सोने आणि चांदीने महागाईची तुतारी फुंकली आहे. गेल्या दोन आठवड्यात मौल्यवान धातुनी ब्रेक घेतला असला तरी किंमतीत चांगलीच वाढ झाली आहे. या काळात सोने 2500 रुपयांनी तर चांदी तीन हजारांच्या घरात महागली. गेल्या आठवड्याच्या अखेरीस दोन्ही धातुनी सिक्सर लगावला होता. तर या सोमवारी बेशकिंमती धातुत मोठी वाढ दिसली. मकर संक्रांतीलाच ग्राहकांच्या खिशावर या दरवाढीमुळे संक्रांत आली. दर आगामी केंद्रीय अर्थसंकल्पात जीएसटी कमी झाला तर किंमती कमी होतील. आता असा आहे सोने-चांदीचा भाव (Gold Silver Price Today 14 January 2025 )

सोन्याचा पतंग आकाशी

गेल्या 13 दिवसांत सोने 2500 रुपयांनी महागले तर गेल्या आठवड्याच्या अखेरीस बेशकिंमती धातुत 650 रुपयांची वाढ झाली. या सोमवारी सोने 420 रुपयांनी महागले. गुडरिटर्न्सनुसार, आता 22 कॅरेट सोने 73,550 रुपये प्रति 10 ग्रॅम तर 24 कॅरेट सोन्याचा भाव 80,220 रुपये प्रति 10 ग्रॅम आहे.

चांदीची गगन भरारी

13 दिवसात चांदी 3 हजारांनी महागली. तर गेल्या आठवड्यात चांदी दोन हजारांनी वधारली. सोमवारी चांदी 1 हजारांनी वाढली. गुडरिटर्न्सनुसार, एक किलो चांदीचा भाव 94,500 रुपये इतका आहे.

14 ते 24 कॅरेटचा भाव काय

आज सकाळच्या सत्रात इंडियन बुलियन्स अँड ज्वेलर्स असोसिएशननुसार (IBJA) 24 कॅरेट सोने 78,308, 23 कॅरेट 77,994 22 कॅरेट सोने 71,730 रुपयांवर आहे. 18 कॅरेट आता 58,731रुपये, 14 कॅरेट सोने 45,810 रुपये प्रति 10 ग्रॅमवर आहे. एक किलो चांदीचा भाव 89,800 रुपये इतका झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.

घरबसल्या जाणून घ्या भाव

सोने-चांदीच्या किंमती तुम्हाला घरबसल्या पण जाणून घेता येईल. सोने-चांदीचे ताजे भाव जाणून घेता येईल. त्यात स्थानिक कर, इतर करांचा भर पडतो. त्यामुळे शहरानुसार किंमतीत तफावत दिसून येते. इंडियन बुलियन्स अँड ज्वेलर्स असोसिएशन (IBJA) हे भाव जाहीर करेल. केंद्र सरकारने जाहीर केलेल्या सुट्या, शनिवारी आणि रविवार हे दिवस सोडून या किंमती जाहीर करण्यात येतात. ग्राहक 8955664433 या क्रमांकावर मिस्ड कॉल देऊन सर्व कॅरेटचे भाव जाणून घेऊ शकतात.