Gold Silver Rate Today : सोने-चांदीची पुन्हा दरवाढीला सलामी, इतके वधारले भाव

नवी दिल्ली | 20 डिसेंबर 2023 : सोने-चांदीची आगेकूच सुरु आहे. गेल्या आठवड्याच्या शेवटी दरवाढी झाली होती. हे दरवाढीचे सत्र कायम आहे. लग्नसराईमुळे सध्या बाजार फुलला आहे. अशावेळी या दरवाढीने ग्राहकांच्या उत्साहावर पाणी फेरले आहे. जागतिक बाजारात दरवाढीला पोषक वातावरण नाही. अमेरिकन केंद्रीय बँकेच्या धोरणानुसार, बडे गुंतवणूकदार त्यांचे धोरण बदलवतील. त्याचा परिणाम सोने-चांदीच्या किंमतीवर दिसून येईल. डिसेंबर महिन्यात दोन्ही मौल्यवान धातूंनी आतापर्यंतचे सर्व रेकॉर्ड मोडीत काढले. अनेक विक्रम नावावर नोंदवले. या आठवड्यात भाव वधारले आहेत. काय आहेत सोने-चांदीची किंमत (Gold Silver Price Today 20 December 2023)?

सोन्याची दरवाढ

आठवड्याच्या सुरुवातीला 19 डिसेंबर रोजी सोन्याने दरवाढीची सलामी दिली. सोन्याचा भाव 100 रुपयांनी वधारला. गेल्या आठवड्यात सुरुवातीला सोने 550 रुपयांनी स्वस्त झाले. त्यानंतर सोने 1100 रुपयांनी वधारले. सकाळी अजून भावाची अपडेट आली नाही. गुडरिटर्न्सनुसार, आता 22 कॅरेट सोने 57,550 रुपये प्रति 10 ग्रॅम तर 24 कॅरेट सोन्याचा भाव 62,770 रुपये प्रति 10 ग्रॅम आहे.

चांदी 300 रुपयांनी वधारली

आठवड्याच्या सुरुवातीला चांदीत 300 रुपयांची वाढ झाली. गेल्या आठवड्यात चांदीने 3500 रुपयांची उसळी घेतली होती. 16 डिसेंबर रोजी चांदीत 800 रुपयांची घसरण झाली होती. 18 डिसेंबर रोजी चांदी 300 रुपयांनी वधारली. 19 डिसेंबर रोजी चांदीत 500 रुपयांची घसरण झाली. गुडरिटर्न्सनुसार, एक किलो चांदीचा भाव 77,500 रुपये आहे.

14 ते 24 कॅरेटचा भाव काय

इंडियन बुलियन्स अँड ज्वेलर्स असोसिएशननुसार (IBJA), सोने आणि चांदीच्या किंमतीत वाढ झाली. सोने जवळपास 200 रुपयांनी तर चांदीत 75 रुपयांची वाढ झाली. 24 कॅरेट सोने 62,084 रुपये, 23 कॅरेट 61,836 रुपये, 22 कॅरेट सोने 56,868 रुपये झाले. 18 कॅरेट 46,563 रुपये, 14 कॅरेट सोने 36,319 रुपये प्रति 10 ग्रॅमवर पोहचले. एक किलो चांदीचा भाव 73,652 रुपये झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.

BIS Care APP

सोनार तुम्हाला गंडवत असल्याची शंका असल्यास, अथवा तुम्हाला सोन्याची शुद्धता तपासायची असल्यास तुमच्या मोबाईलमध्ये BIS Care APP डाऊनलोड करा. प्ले स्टोअरमध्ये जाऊन तुम्ही हे बीआयएस ॲप घेऊ शकता. तुम्ही खरेदी केलेल्या सोन्यावर त्याचा हॉलमार्क क्रमांक (HUID) अंकित असतो. हा क्रमांक टाकल्यास हॉलमार्किंगची संपूर्ण माहिती समोर येईल आणि सर्वात शेवटी हे सोने किती कॅरेटचे आहे ते समोर येईल.