Gold Silver Rate Today 20 February 2025 : आरारारा खतरनाक, सोन्याचा दरवाढीचा स्फोट; सर्व रेकॉर्ड गुंडाळले, चांदीने ग्राहकांना तारले
Gold Silver Rate Today 20 February 2025 : सोन्याने तीन दिवसात सर्व रेकॉर्ड गुंडाळून ठेवले. सोन्याने मोठी मुलखगिरी केली. तीन दिवसात सोन्याची घोडदौड पाहून ग्राहकांचे डोळे पांढरे होण्याची वेळ आली. तर त्यामानाने चांदीने ग्राहकांना दिलासा दिला आहे. आता 18K, 22K, 24K सोन्याच्या तर एक किलो चांदीचा भाव जाणून घ्या...
या आठवड्यात सोन्याने दरवाढीचा स्फोट केला. सोन्याने मोठी कामगिरी केली. या आठवड्यात सलग तीन दिवसात मोठी मजल मारली. त्यामुळे ग्राहकांच्या तोंडचे पाणी पळाले आहे. तर चांदीने ग्राहकांना त्यामानाने दिलासा दिला आहे. जागतिक समीकरणं बदलत असताना पण दोन्ही धातुच्या आगेकूचमुळे ग्राहकच नाही तर व्यापारी सुद्धा अचंबित झाले आहेत. आता 18K, 22K, 24K सोन्याच्या तर एक किलो चांदीचा भाव जाणून घ्या..(Gold Silver Price Today 20 February 2025 )
सोन्याची तुफान फटकेबाजी
या आठवड्यात सोन्याने दरवाढीचा धमाका केला. सोमवारी सोने 550 रुपयांनी, मंगळवारी 330 रुपयांनी वधारले होते. तर बुधवारी सोन्याने 700 रुपयांची मुसंडी मारली. तीन दिवसात 1600 रुपयांनी सोन्याने मुसंडी मारली. गुडरिटर्न्सनुसार, आता 22 कॅरेट सोने 80,450 रुपये प्रति 10 ग्रॅम तर 24 कॅरेट सोन्याचा भाव 87,800 रुपये प्रति 10 ग्रॅम आहे. तर आज सकाळच्या सत्रात सोने पुन्हा कुरघोडी करण्याचे संकेत मिळत आहेत.
चांदीचा ग्राहकांना दिलासा
5 फेब्रुवारी रोजी 1000 रुपयांनी तर 14 फेब्रुवारी रोजी हजाराची वाढ चांदीने नोंदवली होती. तेव्हापासून चांदीत नरमाईचे धोरण दिसले. गुडरिटर्न्सनुसार, एक किलो चांदीचा भाव 1,00,400 रुपये इतका आहे.
14 ते 24 कॅरेटचा भाव काय
आज सकाळच्या सत्रात इंडियन बुलियन्स अँड ज्वेलर्स असोसिएशननुसार (IBJA) 24 कॅरेट सोने 86,733, 23 कॅरेट 86,386, 22 कॅरेट सोने 79,447 रुपयांवर आहे. 18 कॅरेट आता 65,050 रुपये, 14 कॅरेट सोने 50,739 रुपये प्रति 10 ग्रॅमवर आहे. एक किलो चांदीचा भाव 97,566 रुपये इतका झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.
घरबसल्या जाणून घ्या भाव
सोने-चांदीच्या किंमती तुम्हाला घरबसल्या पण जाणून घेता येईल. सोने-चांदीचे ताजे भाव जाणून घेता येईल. त्यात स्थानिक कर, इतर करांचा भर पडतो. त्यामुळे शहरानुसार किंमतीत तफावत दिसून येते. इंडियन बुलियन्स अँड ज्वेलर्स असोसिएशन (IBJA) हे भाव जाहीर करेल. केंद्र सरकारने जाहीर केलेल्या सुट्या, शनिवारी आणि रविवार हे दिवस सोडून या किंमती जाहीर करण्यात येतात. ग्राहक 8955664433 या क्रमांकावर मिस्ड कॉल देऊन सर्व कॅरेटचे भाव जाणून घेऊ शकतात.
