Gold Silver Rate Today 27 July 2024 : या आठवड्यात चांदी 7 हजारांनी स्वस्त तर सोन्याचा तोरा उतरला, 10 ग्रॅमसाठी भाव काय
Gold Silver Rate Today 27 July 2024 : हा आठवडा सोने-चांदी ग्राहकांना आणि गुंतवणूकदारांना फायद्याचा ठरला. 23 जुलै रोजी बजेट सादर करण्यात आले. त्यात मौल्यवान धातूच्या किंमतीत घसरण झाली. चांदी 7 हजारांनी उतरली तर सोने पण स्वस्त झाले.
या आठवड्यात सोने आणि चांदीने ग्राहकांना मोठा दिलासा दिला. जुलै महिन्याच्या सुरुवातीला चांदीने मोठी आघाडी उघडली होती. पण गेल्या 15 दिवसांत चांदीची चमक उतरली. या आठवड्यात चांदी 7 हजारांनी स्वस्त झाली. तर सोन्याला या महिन्यात सूर गवसला नाही. या आठवड्यात सोने 600 रुपयांनी उतरले. सीमा शुल्क कपातीचा फायदा ग्राहकांच्या पदरात पडला. 18 जुलै रोजी 22 कॅरेट सोन्याचा भाव 68,750 रुपये होता. 26 जुलै रोजी हा भाव 63,150 रुपयांवर आला. म्हणजे 10 ग्रॅम सोने 5,600 रुपयांनी स्वस्त झाले. आता काय आहेत मौल्यवान धातूच्या किंमती? (Gold Silver Price Today 27 July 2024 )
सोन्यात कमाल स्वस्ताई
18 जुलैपासून सोन्यात स्वस्ताईचे सत्र आहे. 18 जुलै रोजी 22 कॅरेट सोन्याचा भाव 68,750 रुपये होता. 26 जुलै रोजी हा भाव 63,150 रुपयांवर आला. म्हणजे 10 ग्रॅम सोने 5,600 रुपयांनी स्वस्त झाले. तर 24 कॅरेट सोन्याचा भाव 18 जुलै 74,990 रुपये होता. तो 26 जुलै रोजी 68,880 रुपयांवर आला. म्हणजे 10 ग्रॅम म्हणजे सोने 6,110 रुपयांनी स्वस्त झाले.
या आठवड्यात 22 जुलैला सोने 120 रुपयांनी तर 23 जुलैला 300 रुपयांनी स्वस्त झाले. 25 जुलै रोजी त्यात 100 रुपयांची घसरण नोंदविण्यात आली. आज सकाळच्या सत्रात सोन्यात घसरणीचे संकेत आहेत. गुडरिटर्न्सनुसार, आता 22 कॅरेट सोने 63,150 रुपये प्रति 10 ग्रॅम तर 24 कॅरेट सोन्याचा भाव 68,880 रुपये प्रति 10 ग्रॅम आहे.
चांदीची चमक फिक्की
चांदी या आठवड्यात स्वस्त झाली. 23 जुलै रोजी चांदी 3,500 रुपयांनी उतरली. 24 जुलै रोजी 500 रुपयांची घसरण झाली. 25 जुलै रोजी 3,000 रुपयांनी किंमती कमी झाल्या. आज सकाळी चांदीत घसरणीचे सत्र कायम दिसले. गुडरिटर्न्सनुसार, एक किलो चांदीचा भाव 84,500 रुपये आहे.
14 ते 24 कॅरेटचा भाव काय
इंडियन बुलियन्स अँड ज्वेलर्स असोसिएशननुसार (IBJA), 24 कॅरेट सोने 68,131, 23 कॅरेट 67,858, 22 कॅरेट सोने 62,408 रुपयांवर घसरले. 18 कॅरेट आता 51,098 रुपये, 14 कॅरेट सोने 39,857 रुपये प्रति 10 ग्रॅमवर उतरले आहे. एक किलो चांदीचा भाव 81,271 रुपये इतका झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते. सुट्टी असल्याने भाव अपडेट झाले नाही.
किंमती मिस्ड कॉलवर
22 कॅरेट आणि 18 कॅरेट सोने खरेदी करण्यापूर्वी त्याच्या किंमती एका मिस्ड कॉलवर कळतील. तुम्ही 8955664433 या क्रमांकावर मिस्ड कॉल करु शकता. त्यानंतर तुमच्या मोबाईल क्रमांकावर एसएमएस (SMS) येईल. त्याआधारे तुम्हाला किंमती कळतील. तसेच भाव जाणून घेण्यासाठी तुम्ही www.ibja.co वा ibjarates.com या ठिकाणी माहिती घेऊ शकता.
