Gold Silver Rate Today 6 February 2025 : सोने लवकरच 90 हजारांच्या घरात? चांदीचा लाखाचा टप्पा, काय आहेत भाव आता?

Budget 2025 मध्ये सोने-चांदीवरील करात कोणतीही कपात झाली नाही. कर कपातीमुळे गेल्यावर्षी भाव कमी झाले होते. यंदा कराबाबत कोणतीच घोषणा न झाल्याने मौल्यवान धातु स्वस्त होण्याची शक्यता मावळली होती. गेल्या दोन दिवसात सोन्याने मोठी मजल मारली. तर दुसरीकडे चांदीने नरमाईनंतर पु्न्हा झेप घेतली. काही शहरात तर सोने 800-1000 रुपयांनी वधारले. तर दुसरीकडे चांदी किलोमागे हजारांनी वधारली. आता 18K, 22K, 24K सोन्याच्या आणि एक किलो चांदीची आता अशी आहे किंमत. (Gold Silver Price Today 6 February 2025 )

सोन्याची मुसंडी

गेल्या आठवड्याप्रमाणेच सोन्याने या आठवड्यात कमाल दाखवली. आठवड्याच्या पहिल्या दिवशी सोने 440 रुपयांनी स्वस्त झाले होते. तर मंगळवारी 115 रुपयांनी आणि बुधवारी 1040 रुपयांनी सोने वधारले. गुडरिटर्न्सनुसार, आता 22 कॅरेट सोने 79,200 रुपये प्रति 10 ग्रॅम तर 24 कॅरेट सोन्याचा भाव 86,390 रुपये प्रति 10 ग्रॅम आहे.

हे सुद्धा वाचा

त्याला गोळ्या घालूनच मारलं पाहिजे, दिसेल तिथे ठेचा आणि गाडा; उदयनराजे भोसले राहुल सोलापूरकरवर संतापले

संजय राऊत कमीत कमी शहीद तरी झाले असते… संजय शिरसाट यांची जीभ घसरली; धक्कादायक विधान

उद्धव ठाकरे आणि भाजप एकत्र येणार का? भुजबळांना कुठं करमतं; संजय शिरसाट यांचे स्फोटक विधान काय?

केळी वाहतुकीतून रेल्वे मालामाल; सहा महिन्यातच 3 कोटींहून अधिकचे उत्पन्न

चांदी लाखाच्या उंबरठ्यावर

चांदीत जानेवारी महिन्यात डाबडुबलीचा खेळ सुरू होता. काही दिवस तर भाव फ्रीज झाले होते. या आठवड्याच्य पहिल्या दिवशी भाव स्थिर होते. 4 फेब्रुवारी रोजी चांदी 1 हजार रुपयांनी उतरली. तर बुधवारी चांदी हजारांनी वधारली. गुडरिटर्न्सनुसार, एक किलो चांदीचा भाव 99,500 रुपये इतका आहे.

14 ते 24 कॅरेटचा भाव काय

आज सकाळच्या सत्रात इंडियन बुलियन्स अँड ज्वेलर्स असोसिएशननुसार (IBJA) 24 कॅरेट सोने 84,657, 23 कॅरेट 84,318, 22 कॅरेट सोने 77,546 रुपयांवर आहे. 18 कॅरेट आता 63,493 रुपये, 14 कॅरेट सोने 49,524 रुपये प्रति 10 ग्रॅमवर आहे. एक किलो चांदीचा भाव 95,425 रुपये इतका झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.

घरबसल्या जाणून घ्या भाव

सोने-चांदीच्या किंमती तुम्हाला घरबसल्या पण जाणून घेता येईल. सोने-चांदीचे ताजे भाव जाणून घेता येईल. त्यात स्थानिक कर, इतर करांचा भर पडतो. त्यामुळे शहरानुसार किंमतीत तफावत दिसून येते. इंडियन बुलियन्स अँड ज्वेलर्स असोसिएशन (IBJA) हे भाव जाहीर करेल. केंद्र सरकारने जाहीर केलेल्या सुट्या, शनिवारी आणि रविवार हे दिवस सोडून या किंमती जाहीर करण्यात येतात. ग्राहक 8955664433 या क्रमांकावर मिस्ड कॉल देऊन सर्व कॅरेटचे भाव जाणून घेऊ शकतात.