Gold Silver Rate Today 29 May 2024 : चांदीची लाखाकडे झेप, सोने महागले, दोन दिवसांत किंमती सूसाट

सोने आणि चांदीने गेल्या आठवड्यात दरवाढीला मोठा ब्रेक दिला होता. त्यामुळे सोने 2700 रुपयांनी स्वस्त झाले होते. तर चांदीत 6000 रुपयांची घसरण झाली होती. या आठवड्याच्या सुरुवातीला दोन्ही धातूंनी मोठी झेप घेतली. चांदी तर आता लाखाची बात करत आहे. सोन्यातही दोन दिवसांत मोठी उसळी आली आहे. गेल्या दहा वर्षांत सोने आणि चांदी सर्वसामान्य ग्राहकांच्या आवाक्याबाहेर गेले आहे. दरवाढीने गुंतवणूकदारांचा मात्र मोठा फायदा झाला आहे. सराफा बाजारात मौल्यवान धातूच्या अशा आहेत किंमती (Gold Silver Price Today 29 May 2024 )

सोने 500 रुपयांनी वधारले

गेल्या आठवड्यात सोने 75 हजारांहून पुढे गेले होते. तर त्यात 2700 रुपयांची घसरण झाली होती. या आठवड्याच्या सुरुवातीला सोन्यात जवळपास 500 रुपयांची वाढ झाली. 27 मे रोजी सोन्यात 270 रुपयांची दरवाढ झाली. 28 मे रोजी 220 रुपयांची भर पडली. गुडरिटर्न्सनुसार, आता 22 कॅरेट सोने 67,000 रुपये प्रति 10 ग्रॅम तर 24 कॅरेट सोन्याचा भाव 73,080 रुपये प्रति 10 ग्रॅम आहे.

चांदीची तुफान घौडदौड

गेल्या आठवड्यात चांदी 6 हजाराने स्वस्त झाली होती. या आठवड्यात चांदीने मोठी मुसंडी मारली. चांदी 5,000 रुपयांनी वधारली. 27 मे रोजी चांदी 1500 रुपयांनी वधारली. तर 28 मे रोजी चांदी 3500 रुपयांनी महागली. गुडरिटर्न्सनुसार, एक किलो चांदीचा भाव 96,500 रुपये आहे.

14 ते 24 कॅरेटचा भाव काय

इंडियन बुलियन्स अँड ज्वेलर्स असोसिएशननुसार (IBJA), सोन्यासह चांदी वधारली. 24 कॅरेट सोने 72,291 रुपये, 23 कॅरेट 72,002 रुपये, 22 कॅरेट सोने 66,219 रुपये झाले. 18 कॅरेट 54,218 रुपये, 14 कॅरेट सोने 42,290 रुपये प्रति 10 ग्रॅमवर पोहचले. एक किलो चांदीचा भाव 93,120 रुपये झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.

घरबसल्या जाणून घ्या भाव

सोने-चांदीच्या किंमती तुम्हाला घरबसल्या पण जाणून घेता येईल. सोने-चांदीचे ताजे भाव जाणून घेता येईल. त्यात स्थानिक कर, इतर करांचा भर पडतो. त्यामुळे शहरानुसार किंमतीत तफावत दिसून येते. इंडियन बुलियन्स अँड ज्वेलर्स असोसिएशन (IBJA) हे भाव जाहीर करेल. केंद्र सरकारने जाहीर केलेल्या सुट्या, शनिवारी आणि रविवार हे दिवस सोडून या किंमती जाहीर करण्यात येतात. ग्राहक 8955664433 या क्रमांकावर मिस्ड कॉल देऊन सर्व कॅरेटचे भाव जाणून घेऊ शकतात.