IDBI बँकेतील भागीदारी विकण्यास किती वेळ लागेल, मर्चंट बँकर्सनी दिले हे उत्तर

नवी दिल्लीः भारतीय जीवन विमा निगम (एलआयसी) नियंत्रित आयडीबीआय बँकेतील धोरणात्मक भागविक्रीच्या प्रक्रियेत मदतीसाठी निविदा सादर केलेल्या बहुतेक व्यापारी बँकरांनी प्रक्रिया पूर्ण करण्यास एक वर्ष लागेल, असे म्हटले आहे. गुंतवणूक आणि सार्वजनिक मालमत्ता व्यवस्थापन विभागाला (डीआयपीएएम) सादरीकरणात, बहुतेक पात्र व्यवहार सल्लागारांनी आयडीबीआयच्या खाजगीकरणाच्या प्रक्रियेचे विविध टप्पे पूर्ण करण्यासाठी 50 ते 52 आठवड्यांचा कालावधी मागितला आहे. बाजाराच्या सूत्रांनी ही माहिती दिली.

सूत्रांनी सांगितले की, मोक्याच्या विक्रीची प्रक्रिया पूर्ण करण्यासाठी सात निविदा आल्यात, डेलॉइट टौचे तोहमात्सु इंडिया एलएलपी, अर्न्स्ट आणि यंग एलएलपी, आयसीआयसीआय सिक्युरिटीज लि. (आयसीआयसीआय सिक्युरिटीज लिमिटेड), जेएम फायनान्शियल लि. (जेएम फायनान्शियल लिमिटेड), केपीएमजी, आरबीएसए कॅपिटल अॅडव्हायझर्स एलएलपी आणि एसबीआय कॅपिटल मार्केट्स लिमिटेड यांनी बोली लावलीय.

DIPAM ने सरकारच्या वतीने IDBI बँकेची मोक्याची भागविक्री पूर्ण करण्यासाठी व्यवहार सल्लागारांच्या नियुक्तीसाठी जून महिन्यात निविदा काढली होती. निविदा सादर करण्याची अंतिम तारीख 13 जुलै होती.

IDBI बँकेत सरकारचा हिस्सा 45.48 टक्के

केंद्रीय मंत्रिमंडळाने या वर्षी मे महिन्यात आयडीबीआयच्या धोरणात्मक निर्गुंतवणुकीला आणि व्यवस्थापन नियंत्रण हस्तांतरणास तत्त्वतः मान्यता दिली होती. केंद्र सरकार आणि एलआयसी मिळून बँकेत 94 टक्के भागभांडवल आहे. एलआयसीकडे सध्या 49.24 टक्के भागांसह व्यवस्थापन नियंत्रण आहे. सरकारचा बँकेत 45.48 टक्के हिस्सा आहे. गैर-प्रवर्तकांचा हिस्सा 5.29 टक्के आहे.

विमा कंपनी एलआयसीने जानेवारी 2019 मध्ये आयडीबीआय बँकेत कंट्रोलिंग स्टेक घेतला होता. अर्थमंत्री निर्मला सीतारामन यांनी 2021-22 च्या बजेटमध्ये सांगितले होते की, आयडीबीआय बँकेच्या खाजगीकरणाची प्रक्रिया चालू आर्थिक वर्षात पूर्ण केली जाईल. चालू आर्थिक वर्षात अल्पसंख्यांक भागविक्री आणि खासगीकरणातून 1.75 लाख कोटी रुपये उभारण्याचे सरकारचे उद्दिष्ट आहे.

संबंधित बातम्या

तुम्ही अयोध्येपर्यंत बुलेट ट्रेनने प्रवास करू शकणार, 12 स्टेशन दिल्ली-वाराणसीदरम्यान असणार

तुम्ही दोन घरांचे मालक आहात का? आयकरात सूट मिळवण्यासाठी हे महत्त्वाचे नियम जाणून घ्या

How long will it take to sell a stake in IDBI Bank, the answer given by Merchant Bankers