24 तासात दुसऱ्यांदा… पंतप्रधान नरेंद्र मोदी यांचे सोने, पेट्रोल-डिझेलवरील आवाहन, थेट शेअर मार्केटची..

पंतप्रधान नरेंद्र मोदी यांनी सलग दोन दिवसामध्ये दोनदा सोने खरेदी न करण्याचे, विदेशात प्रवास टाळणे, घरगुती तेलाचा वापर कमी करणे आणि पेट्रोल डिझेल वाचवण्याचे आवाहन देशातील जनतेला केले. इराण आणि अमेरिका युद्धाचा गंभीर परिणाम भारतात दिसत आहे. यादरम्यानच परकिय चलन वाचवण्याकरिता काही मोठी पाऊले उचलली जात आहेत. यादरम्यान रूपयाला सतत धक्का बसताना दिसत आहे. शेअर बाजारातील घसरण हळूहळू वाढत आहे. पंतप्रधान नरेंद्र मोदी यांच्या आवाहनानंतर सलग दुसऱ्या दिवशीही शेअर बाजार कोसळताना दिसला. सोने न खरेदी करण्याचे आणि पेट्रोल व डिझेलचा वापर मर्यादित ठेवण्याचे आवाहन केल्यानंतर शेअर बाजारात घसरण झाली. भारताकडून या स्थितीमध्ये पर्याय काढण्याचा प्रयत्न केला जात आहे. मात्र, यश अजिबात मिळत नसून रूपया अधिक घसरताना दिसत आहे. बॉम्बे स्टॉक एक्सचेंजचा 30-शेअर सेन्सेक्स 700 हून अधिक अंकांच्या घसरणीसह व्यवहार करताना दिसला.

इन्फोसिस, टेक महिंद्रा, टीसीएस आणि इतर टेक कंपन्यांच्या शेअर्समध्ये सर्वात मोठी घसरण दिसून आली. कालपासून या कंपन्यांच्या शेअरमध्ये मोठी घसरण बघायला मिळत आहे. पंतप्रधान नरेंद्र मोदी यांनी सोने खरेदी न करण्याचे आवाहन आणि पेट्रोल व डिझेलचा मर्यादित वापर करण्याचे आवाहन करताच शेअर मार्केटमध्ये भीतीचे वातावरण बघायला मिळत आहे. 24 तासात दुसऱ्यांदा याबाबत आवाहन पंतप्रधान नरेंद्र मोदी यांनी जनतेला केले.

व्यवहार सुरू झाल्यानंतर फक्त 5 मिनिटांतच बीएसई सेन्सेक्स 723 हून अधिक अंकांनी घसरून 75,291 वर पोहोचला. लाल झोनमध्ये सुरूवात झाल्यानंतर काही वेळातच NSE Nifty देखील कोसळला. शेअर मार्केट कोसळत असताना सर्वात जास्त नुकसान आयटी कंपन्यांचे होताना दिसत आहे. आयटी कंपन्यांचे शेअर सतत खाली येताना दिसत आहेत.

मोठं मोठ्या आयटी कंपन्यांना धक्का बसत आहे. शेअर मार्केट कोसळण्याचे कारण हे पंतप्रधान नरेंद्र मोदी यांनी केलेले आवाहन असल्याचे सांगितले जात आहे. सर्वांनीच मोठा धसका घेतला आहे. काही विमान कंपन्यांचेही शेअर घसरले आहेत. नरेंद्र मोदी यांच्या आवाहनानंतर शेअर मार्केटवर गंभीर परिणाम स्पष्ट दिसत आहेत.