या पाच सोप्या पध्दतीने करा ईपीएफ खात्यात नोकरी सोडण्याची तारीख ऑनलाइन अपडेट…

या पाच सोप्या पध्दतीने करा ईपीएफ खात्यात नोकरी सोडण्याची तारीख ऑनलाइन अपडेट...
ईपीएफ

ईपीएफ खात्यात नोकरी सोडण्याची तारीख अपडेट करण्याची सुविधा आधारशी लिंक केलेल्या मोबाईल नंबरवर प्राप्त झालेल्या OTP वरून उपलब्ध आहे. त्यामुळे, या सुविधेचा लाभ फक्त तेच लोक घेऊ शकतात ज्यांनी त्यांचा UAN सक्रिय केला आहे आणि UAN ला आधारशी लिंक केले आहे.

टीव्ही 9 मराठी डिजीटल टीम

| Edited By: शितल मुंडे, टीव्ही 9 मराठी डिजीटल

Jan 27, 2022 | 3:20 PM

एखाद्या कंपनीची नोकरी सोडून जर तुम्ही दुसऱ्या कंपनीत जात असाल तर त्याची तारीख तुम्ही स्वतः ईपीएफ (EPF) खात्यात अपडेट करू शकता. हे काम ऑनलाइन करता येते. यासाठी तुम्हाला ईपीएफओ (EPFO) ​​कार्यालयात जाण्याची गरज नाही. ईपीएफओने ट्विट करून ही माहिती दिली आहे. ईपीएफओने आहे, की ते त्यांच्या स्वतःच्या कंपनीतून बाहेर पडण्याची तारीख ऑनलाइन अपडेट करू शकतात. ईपीएफओने ट्विटमध्ये कर्मचार्‍यांना हे कसे करावे हे सांगण्यासाठी एक व्हिडिओ देखील जारी केला आहे. हा व्हिडिओ पाहून तुम्ही ऑनलाइन बाहेर पडण्याची तारीख देखील अपडेट करू शकता.

ईपीएफओने एफएक्यूमध्येही याबाबत संपूर्ण माहिती दिली आहे. ईपीएफओचे म्हणण्यानुसार जर तुम्ही दुसऱ्या कंपनीत नोकरी जॉईन करत असाल आणि पीएफ ट्रान्सफर करायचा असेल तर त्यापूर्वी जुन्या कंपनीतून नोकरी सोडण्याची तारीख ईपीएफ खात्यात अपडेट करावी लागेल. ही तारीख नोकरी सोडल्यानंतर दोन महिन्यांसाठीच अपडेट करता येते. तुम्ही नोकरी सोडत असलेल्या महिन्याच्या कोणत्याही तारखेला तुम्ही EPF खाते अपडेट करू शकता. तारीख अपडेट करण्याची ही सुविधा आधारशी लिंक केलेल्या मोबाईल नंबरवर प्राप्त झालेल्या ओटीपी (OTP) वरून उपलब्ध आहे. त्यामुळे, या सुविधेचा लाभ फक्त तेच लोक घेऊ शकतात ज्यांनी त्यांचा युएएन (UAN) सक्रिय केला आहे, आणि UAN ला आधारशी लिंक केले आहे. जर मोबाईल नंबर आधारशी लिंक असेल तर ईपीएफचा ओटीपी त्याच नंबरवर जाईल. त्याच ओटीपीच्या मदतीने नोकरी सोडण्याची तारीख अपडेट केली जाऊ शकते.

पाच सोप्या पध्दती

1) सदस्य सेवा पोर्टलवर UAN आणि पासवर्डसह लॉग इन करा https://unifiedportal-mem.epfindia.gov.in/memberinterface/

2) Manage बटणावर क्लिक करा त्यानंतर मार्क एक्झिट वर क्लिक करा, ‘सेलेक्ट इंप्लॉयमेंट ड्रॉपडाउन’मध्ये पीएफ खाते क्रमांक निवडा.

3) बाहेर पडण्याची तारीख आणि नोकरी सोडण्याचे कारण समाविष्ठ करा.

4) रिक्वेस्ट ओटीपीवर क्लिक करा आणि आधारशी लिंक केलेल्या मोबाइलवर मिळालेला ओटीपी समाविष्ठ करा.

5) चेक बॉक्स निवडा आणि अपडेट वर क्लिक करा, त्यानंतर ओके वर क्लिक करा.

यानंतर, तुमच्या मोबाईलवर एक एसएमएस येईल ज्यामध्ये असे दिसेल की तुम्ही मागील कंपनीमधून नोकरी सोडण्याची तारीख यशस्वीरित्या अपडेट केली आहे. आपण इच्छित असल्यास, आपण बाहेर पडण्याची तारीख अपडेट केली आहे की नाही हे देखील तपासू शकता. यासाठी तुम्हाला सदस्य ई-सेवा पोर्टलवर लॉग इन करावे लागेल.

1) मेनूवर जा आणि service history निवडा.

2) तुमच्या स्क्रीनवर एक नवीन टॅब उघडेल. एक यादी उघडेल ज्यामध्ये कोणत्या कंपनीत काम केले आहे आणि पीएफ खाते चालवले आहे हे दिसेल. ईपीएफमध्ये सामील होण्याची तारीख, ईपीएफ सोडण्याची तारीख इत्यादींची माहिती देखील उपलब्ध असेल.

संबंधित बातम्या : 
आकड्यांचा गोलमाल की खरखुरं चित्र, जाणून घ्या बेरोजगारी दराविषयीचं नेमकं वास्तव

नेटफ्लिक्स, हॉटस्टार, अ‍ॅमेझॉनला टक्कर देण्यासाठी रिलायन्स सज्ज

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें