LPG Price Hike : सणासुदीपूर्वीच महागला एलपीजी गॅस सिलेंडर, दिल्ली पासून ते मुंबईपर्यंत इतका वाढला भाव
LPG Cylinders Rate Hike : ऐन सणासुदीच्या तोंडावर, सप्टेंबर महिन्याच्या पहिल्याच दिवशी ग्राहकांना महागाईचा झटका बसला. ऑगस्ट महिन्यानंतर 1 सप्टेंबर 2024 रोजी एलपीजी सिलेंडर किंमतीत वाढ झाली आहे. तेल विपणन कंपन्यांनी 19 किलो व्यावसायिक गॅसच्या दरात वाढ केली आहे. घरगुती गॅसबाबत काय आहे अपडेट?
आज सप्टेंबर महिन्याच्या सुरुवातीलाचा ग्राहकांना झटका बसला. 1 सप्टेंबर 2024 रोजी सकाळी एलपीजी गॅस सिलेंडर महाग झाला. ऑगस्ट महिन्यात पण 19 किलो व्यावसायिक गॅस महागला होता. आता या महिन्यात सुद्धा गॅसचा भाव वाढला. ऐन सणासुदीच्या तोंडावर सप्टेंबर महिन्याच्या पहिल्याच दिवशी व्यावसायिक गॅस महागल्याने हॉटेलमधील खाद्यपदार्थ महागण्याची शक्यता आहे. तर 14 किलो घरगुती गॅस सिलेंडरची किंमत जशीच्या तशी आहे. त्यात बदल झाला नाही.
दिल्लीपासून ते मुंबईपर्यंत किती वाढले भाव
IOCL च्या संकेतस्थळानवुसर, दिल्ली ते मुंबईपर्यंत व्यावसायिक गॅस सिलेंडरच्या भावात बदल झाला. 1 सप्टेंबर 2024 रोजी सकाळी 6 वाजता ही दरवाढ लागू करण्यात आली. ताज्या दरानुसार, राजधानी दिल्लीत 19 किलो एलपीजी गॅस सिलेंडर 1652.50 रुपयांहून 1691.50 रुपये झाली. दिल्लीत 39 रुपये प्रति सिलेंडर दरवाढ झाली. कोलकत्ता शहरात व्यावसायिक गॅस सिलेंडरच्या भावात 38 रुपयांची वाढ झाली. 1764.50 रुपयांहून किंमत 1802.50 रुपयांवर पोहचले. तर मुंबईत 1644 रुपयांहून भाव 1605 रुपये म्हणजे 7 रुपयांनी किंमत वाढली. चेन्नईमध्ये एलपीजी गॅस सिलेंडरमध्ये 38 रुपयांची दरवाढ झाली. 1817 रुपयांहून दर 1855 रुपयांवर पोहचला.
जुलै महिन्यानंतर दरवाढ
यापूर्वी ऑगस्ट महिन्यात व्यावसायिक गॅस सिलेंडरच्या किंमतीत दरवाढ झालेली दिसत आहे. जुलै 2024 मध्ये ऑईल मार्केटिंग कंपन्यांनी दर कपातीची ग्राहकांना भेट दिली होती. कंपन्यांनी व्यावसायिक गॅस सिलेंडरच्या किंमतीत कपात केली होती. जवळपास 30 रुपयांनी किंमती कमी झाल्या होत्या. तर ऑगस्ट आणि आता सप्टेंबरमध्ये तेल कंपन्यांनी व्यावसायिक गॅस सिलेंडरच्या भावात वाढ केली आहे.
इतकी केली कपात
सरकारने होळीच्या वेळी नागरिकांना दिलासा दिला. 100 रुपयांची कपात केली होती. तर त्यापूर्वी गेल्या वर्षी ऑगस्ट महिन्यात 200 रुपयांनी गॅस स्वस्त झाला होता. एका वर्षात केंद्र सरकारने घरगुती गॅस सिलेंडरच्या किंमतीत 300 रुपयांची कपात केली आहे. तर आता किंमतीत वाढ झाली आहे.
घरगुती गॅस सिलेंडरचा भाव स्थिर
19 किलोग्रॅम व्यावसायिक गॅस सिलेंडरच्या भावात सतत बदल दिसला. तर दुसरीकडे तेल कंपन्यांनी अनेक दिवसांपासून घरगुती गॅस सिलेंडरच्या भावात कोणताच बदल केलेला दिसला नाही. महिला दिवशी मोदी सरकारने ग्राहकांना दिलासा दिला होता. 14 किलोग्रॅम घरगुती गॅस सिलेंडरच्या किंमतीत कोणताच बदल दिसला नाही. सध्या दिल्लीत एका सिलेंडरची किंमत 803 रुपये, कोलकत्तामध्ये 829 रुपये, मुंबईत 802.50 रुपये आणि चेन्नईत हा भाव 818.50 रुपये इतका आहे.
