Reliance Jio: मुकेश अंबानींची चाल, एअरटेल- आयडियासमोर संकट, केवळ 3 रुपयांत अनलिमिटेड कॉलिंग अन् इतर खूप काही
Mukesh Ambani Jio: जिओच्या प्लॅनची किंमत 75 रुपये आहे. त्यात 23 दिवसांची व्हॅलिडिटी मिळते. म्हणजे 3.26 रुपयांमध्ये अनलिमिटेड कॉलिंग, एसएमएस, डेटा यासारख्या सुविधा मिळतात. म्हणजे यूजरला एका दिवसाचा खर्च केवळ 3 रुपये येत आहे.
Reliance Jio Recharge Plan: मोबाईल प्रत्येक घरात नाही तर प्रत्येकाच्या हातात आला आहे. मोबाईल ही प्रत्येकाची गरज झाली आहे. काही महिन्यांपूर्वी मोबाईल कंपन्यांनी प्रीपेडच्या दरात भरमसाठ वाढ केली. यामुळे अनेक मोबाईल वापरकर्ते स्वस्त प्लॅनच्या शोधात आहे. मुकेश अंबानी यांची रिलायन्स जिओ देशातील सर्वात प्रसिद्ध टेलिकॉम ऑपरेटर कंपनी आहे. या कंपनीचे देशभरात 48 कोटी युजर्स आहेत. जिओनेच देशात इंटरनेट स्वस्त केले होते. त्यामुळे घराघरात इंटरनेटसुद्धा पोहचली. कॉलिंग फ्रीचा फंडा जिओने सुरु केला. आता या जिओने असा प्लॅन आणला आहे की, त्यामुळे एअरटेल, व्होडाफोन- आयडियासमोर संकट उभे राहिले आहे.
केवळ 3 रुपयांमध्ये अनेक फायदे
जिओने आपल्या युजरसाठी अनेक वेगवेगळे प्लॅन आणले आहेत. या प्लॅनमध्ये फायदे वेगवेगळे आहेत. मोबाईल वापरणारे त्यांच्या गरजेनुसार या प्लॅनची निवड करु शकतात. तुम्ही जिओचा पोर्टफोलियो पाहिल्यावर तुम्हाला एक असा प्लॅन मिळणार आहे, तो पाहून आश्चर्य वाटेल. केवळ 3 रुपयांमध्ये अनेक फायदे या प्लॅनमध्ये आहे.
प्लॅनमध्ये युजरला 2.5 GB डेटा
जिओच्या प्लॅनची किंमत 75 रुपये आहे. त्यात 23 दिवसांची व्हॅलिडिटी मिळते. म्हणजे 3.26 रुपयांमध्ये अनलिमिटेड कॉलिंग, एसएमएस, डेटा यासारख्या सुविधा मिळतात. म्हणजे यूजरला एका दिवसाचा खर्च केवळ 3 रुपये येत आहे. या प्लॅनमध्ये युजरला 2.5 GB डेटा मिळत आहे. तसेच रोज 100 MB आणि 200MB एक्सट्रा डेटा मिळतो. संपूर्ण व्हॅलिडिटी दरम्यान अनलिमिटेड कॉलिंग आणि 50 SMS ची सुविधा मिळते. तसेच यूजर अन्य इतर फायदे मिळतात. त्यात जिओ टीव्ही, जिओ सिनेमा आणि जियो क्लाउडचे मोफत सब्सक्रिप्शन आहे. परंतु हा प्लॅन जिओ भारतच्या युजर्ससाठी आहे.
काय आहे जिओ भारत?
जिओ भारत रिलायन्सचा फोन आहे. त्यात 4G नेटवर्क मिळते. त्यायी किंमत केवळ 999 रुपये आहे. 7 जुलै 2023 पासून हा फोन बाजारात आला. हा फोन रिलायन्स डिजिटल स्टोअर, जिओ रिटेल आउटलेट आणि इतर रिटेल स्टोर मिळतो.
