Multibagger Stock: घर झाले, दारी चारचाकी आली, एका शेअरने सर्वसामान्यांच्या आयुष्यात कमाल केली

नवी दिल्ली : भारतीय शेअर बाजारात (Share Market) हजारो शेअर आहेत. तर सर्वसामान्य गुंतवणूकदार (Investors) फायद्यासाठी शेअर बाजारात गुंतवणूक (Investment) करतो. त्याला बाजारातून कमाईची संधी हवी असते. पण एखाद्या शेअरने (Stock) गुंतवणूकदारांना करोडपती करण्याचे उदाहरणे अत्यंत तोकडी आहेत. एखाद दोन शेअर्सनीच हा मान पटकावला आहे.

बाजारात जोरदार कमाई करुन देणाऱ्या आणि परतावा देणाऱ्या शेअरला मल्टिबॅगर शेअर (Multibagger Share) म्हणतात. शेअर बाजारात अनेक मल्टिबॅगर शेअर आहेत. त्यांच्यापैकी काही स्टॉकने चमत्कार केला आहे.

तर हा शेअर आहे Aegis Logistics. या कंपनीने त्यांच्या गुंतवणूकदाराला लखपतीच नव्हे तर करोडपती केले आहे. Aegis Logistics कंपनीने ही कामगिरी काही दशकातच केली आहे.

जिथे मोठ्या ब्रँडच्या शेअर्सने अजूनही कमाल केलेली नाही. तिथे Aegis Logistics कंपनीने 25 वर्षांत गुंतवणूकदारांना मालामाल केले आहे. शेअर्सधारकांना जोरदार परतावा दिला आहे.

25 वर्षांपूर्वी या कंपनीचा शेअर 1 रुपयांच्याही खाली होता. 1 जानेवारी 1999 रोजी हा शेअर अवघ्या 0.60 पैशांना मिळत होता. पण कंपनीने बाजारातही दमखम दाखविला आणि शेअर बाजारातही कमाल केली.

Aegis Logistics शेअरची किंमत आता 300 रुपयांच्या पुढे गेली आहे. 11 जून 2021 रोजी कंपनीचा शेअर NSE वर 380.75 रुपये होता. या शेअरचा 52 आठवड्यातील सर्वात उच्चांक 308 रुपये होता

तर Aegis Logistics शेअरची सर्वात निच्चांकी कामगिरी 167.25 रुपये होती. तर 25 ऑक्टोबर 2022 रोजी हा शेअर 297.75 रुपयांवर बंद झाला.

1999 अथवा 2000 मध्ये या कंपनीत 1 रुपये दराने गुंतवणूकदारांनी 1 लाख शेअर खरेदी केले असते. एक लाखांची गुंतवणूक केली असती तर आज या शेअरची किंमत 3 कोटींच्या घरात आहे.