मोठी बातमी! पुढील आठवड्यात ‘या’ दोन दिवशी तुमच्या बँकेत संप असेल, तारीख लक्षात ठेवा

IDBI बँक 1960 मध्ये सुरू झाली. पण तेव्हा तिचे नाव विकास वित्तीय संस्था असे होते. नंतर त्याचे आयडीबीआय बँकेत रूपांतर झाले. त्यासाठी संसदेने परवानगी दिली होती. देशातील सर्व राष्ट्रीयीकृत बँका, त्यांचे सर्व कामकाज संसदीय कायद्याद्वारे नियंत्रित केले जाते. या बँका खासगी होताच संसदेची सक्ती संपते.

मोठी बातमी! पुढील आठवड्यात 'या' दोन दिवशी तुमच्या बँकेत संप असेल, तारीख लक्षात ठेवा

नवी दिल्ली: Bank Union Strike : देशातील सरकारी बँक कर्मचारी 16 आणि 17 डिसेंबर असे दोन दिवस संपावर जाणार आहेत. युनायटेड फोरम ऑफ बँक युनियन्सने (UFBU-United Forum of Bank Unions) असा इशारा दिलाय. बँकांच्या खासगीकरणाच्या निषेधार्थ हा संप होत आहे. अर्थमंत्री निर्मला सीतारामन यांनी 1 फेब्रुवारी 2021 रोजी सादर केलेल्या अर्थसंकल्पात दोन बँकांचे खासगीकरण करण्याची घोषणा केली होती, त्याची तयारी आता सरकारने सुरू केलीय. संसदेच्या हिवाळी अधिवेशनात बँकिंग कायदे (दुरुस्ती) विधेयक 2021 आणण्याची तयारी सुरू आहे.

16 आणि 17 डिसेंबरला संपाची घोषणा

युनायटेड फोरम ऑफ बँक युनियन्स (UFBU) ने या संपाची घोषणा केलीय. सार्वजनिक क्षेत्रातील नऊ बँकांच्या युनियनचा हा संयुक्त मंच आहे. UFBU ने 16 आणि 17 डिसेंबरला संपाचा इशारा दिलाय.

संप का होत आहे?

ऑल इंडिया बँक ऑफिसर्स कॉन्फेडरेशन (AIBOC) ने सार्वजनिक क्षेत्रातील बँकांच्या खासगीकरणाविरोधात मोठे आंदोलन जाहीर केले होते. केंद्रीय बँक ऑफ इंडिया, इंडियन ओव्हरसीज बँक, बँक ऑफ महाराष्ट्र आणि बँक ऑफ इंडिया यांना सरकारने निर्गुंतवणुकीवर स्थापन केलेल्या मुख्य सचिवांच्या गटाने सुचवले होते.

कर्मचाऱ्यांचे काय होणार?

मीडिया रिपोर्ट्सनुसार, खासगीकरणापूर्वी या बँका त्यांच्या कर्मचाऱ्यांसाठी आकर्षक स्वैच्छिक सेवानिवृत्ती योजना (VRS) आणू शकतात.

यापूर्वी सरकारने आयडीबीआय बँकेचे खासगीकरण केले

IDBI बँक 1960 मध्ये सुरू झाली. पण तेव्हा तिचे नाव विकास वित्तीय संस्था असे होते. नंतर त्याचे आयडीबीआय बँकेत रूपांतर झाले. त्यासाठी संसदेने परवानगी दिली होती. देशातील सर्व राष्ट्रीयीकृत बँका, त्यांचे सर्व कामकाज संसदीय कायद्याद्वारे नियंत्रित केले जाते. या बँका खासगी होताच संसदेची सक्ती संपते.

बँकेतील आपली हिस्सेदारी कमी करण्याचा ठराव मंजूर

सरकारी विमा कंपनी LIC ने IDBI बँकेतील 51% हिस्सा विकत घेतलाय. आता त्याच्या निर्गुंतवणुकीचे काम सुरू झालेय. एलआयसी बोर्डाने बँकेतील आपली हिस्सेदारी कमी करण्याचा ठराव मंजूर केला. यासाठी काही निर्गुंतवणूक केली जाईल आणि काही शेअर्स विकले जातील. विक्री किंमत पाहून ते व्यवस्थापन मंडळाकडे हस्तांतरित करण्याचा निर्णयही घेतला जाईल.

शेअर्स खरेदी करते ती कंपनी आपला निधी गुंतवेल

या आधारावर LIC IDBI बँकेतील आपला हिस्सा कमी करेल. असे मानले जाते की, जी कंपनी बँकेचे शेअर्स खरेदी करते ती कंपनी आपला निधी गुंतवेल. बँकेचा व्यवसाय वाढण्यासाठी नवीन तंत्रज्ञान आणि उत्तम व्यवस्थापनाची व्यवस्था केली जाईल. यानंतर आयडीबीआय बँक सरकार आणि एलआयसीवर विसंबून न राहता खासगी निधीतून स्वतःचा विकास करू शकेल.

संबंधित बातम्या

पेन्शनर्स आता मोबाईल अॅपवरून हयातीचा दाखला सादर करू शकणार, कसे आणि काय करायचे?

PNB कडून 1 डिसेंबरपासून खास नियम लागू, तुमच्या पैशांवर काय परिणाम?

Published On - 10:53 am, Thu, 2 December 21

Click on your DTH Provider to Add TV9 MARATHI