Today Petrol, Diesel Rate : पेट्रोलियम कंपन्यांकडून इंधनाचे नवे जर जारी; जाणून घ्या आपल्या शहरातील पेट्रोल, डिझेलचे भाव

नवी दिल्ली : देशातील प्रमुख कंपन्यांकडून इंधनाचे नवे दर जारी करण्यात आले आहेत. नव्या दरानुसार आज देखील पेट्रोल, डिझेलच्या दरात (Petrol, Diesel Rate) कोणताही बदल करण्यात आलेला नाही. देशात इंधनाचे दर स्थिर आहेत. गेल्या 22 मे पासून पेट्रोल (Petrol), डिझेलच्या (Diesel) दरात कोणताही बदल करण्यात आलेला नाही. 21 मे रोजी केंद्र सरकारने पेट्रोल, डिझेलवरील एक्साईज ड्यूटी कमी करण्याची घोषणा केली होती. एक्साईज ड्यूटीमध्ये कपात झाल्याने पेट्रोलच्या दरात प्रति लिटर साडेनऊ रुपये तर डिझेलच्या दरात सहा रुपयांची घसरण झाली. नवे दर 22 मे पासून लागू झाले. त्यानंतर पेट्रोल, डिझेलच्या दरात कोणताही बदल करण्यात आलेला नाही. एकीकडे कच्च्या तेलाच्या दरात चढउतार सुरूच आहे. मात्र दुसरीकडे पेट्रोल, डिझेलचे दर स्थिर असल्याने त्याचा फटका हा पेट्रोलियम कंपन्यांना बसत आहे.

प्रमुख महानगरातील पेट्रोल, डिझेलचे भाव

पेट्रोलियम कंपन्यांकडून आज जारी करण्यात आलेल्या नव्या दरानुसार राजधानी दिल्लीमध्ये पेट्रोलचा भाव प्रति लिटर 96.72 रुपये लिटर आहे. तर डिझेलचा भाव प्रति लिटर 89.62 रुपये इतका आहे. आर्थिक राजधानी मुंबईमध्ये पेट्रोलचा दर प्रति लिटर 106.10 तर डिझेलचा दर प्रति लिटर 94.28 रुपये इतका आहे. कोलकातामध्ये पेट्रोलचा दर प्रति लिटर 106.03 तर डिझेलचा दर 92.76 रुपये इतका आहे. चेन्नईमध्ये पेट्रोलचा दर प्रति लिटर 102.63 तर डिझेलचा दर प्रति लिटर 94.24 रुपये इतका आहे. देशाच्या प्रमुख महानगरातील पेट्रोल, डिझेलच्या भावाची तुलना करायची झाल्यास सर्वात महाग पेट्रोल, डिझेल हे मुंबईमध्ये तर सर्वात स्वस्त पेट्रोल, डिझेल दिल्लीमध्ये आहे.

राज्याच्या प्रमुख शहरातील भाव

दररोज जारी होतात पेट्रोल, डिझेलचे दर

पेट्रोल, डिझेलचे दर हे कच्च्या तेलाच्या किमतींवर अवलंबून असतात. त्यामुळे आंतरराष्ट्रीय बाजारात कच्च्या तेलाचे दर वाढले तर पेट्रोल, डिझेलच्या किमती देखील वाढतात. आणि कच्च्या तेलाचे दर कमी झाले तर पेट्रोल, डिझेलचे दर कमी होतात. त्यामुळे पेट्रोलियम कंपन्यांकडून दररोज पेट्रोल, डिझेलचे दर जारी करण्यात येतात.