Today petrol, diesel Rate : पेट्रोलियम कंपन्यांकडून इंधनाचे दर जारी; जाणून घ्या आपल्या शहरातील पेट्रोल,डिझेलचा भाव

नवी दिल्ली : पेट्रोलियम कंपन्यांकडून इंधनाचे नवे दर (Fuel Rate) जारी करण्यात आले आहेत. नव्या दरानुसार आज देखील पेट्रोल (Petrol), डिझेलच्या (Diesel) दरात कोणताही बदल करण्यात आलेला नाही. गेल्या अडीच महिन्यांपासून देशात पेट्रोल, डिझेलचे दर स्थिर आहेत. मे महिन्यात केंद्र सरकारच्या वतीने पेट्रोल, डिझेलवरील एक्साईज ड्यूटी कमी करण्याचा निर्णय घेण्यात आला होता. त्यानंतर पेट्रोल प्रति लिटर साडेनऊ रुपयांनी तर डिझेल सहा रुपयांनी स्वस्त झाले. तेव्हापासून देशात पेट्रोल, डिझेलचे दर स्थिर आहेत. विशेष म्हणजे कच्च्या तेलाच्या दरात चढ-उतार सुरू असल्याचे दिसून येत आहे. पेट्रोल, डिझेलचे दर हे कच्च्या तेलाच्या किमतींवर अवलंबून असात. कच्च्या तेलाच्या दरात चढ-उतार सुरू असताना देखील पेट्रोल, डिझेलचे दर स्थिर ठेवण्यात आले आहेत. मात्र दुसरीकडे सीएनजी, पीएनजी आणि एलपीजीचे दर वाढत असल्याने सर्वसामान्यांना महागाईचा सामना करावा लागत आहे.

प्रमुख महानगरातील पेट्रोल, डिझेलचे दर

पेट्रोलियम कंपन्यांनी आज जारी केलेल्या नव्या दरानुसार राजधानी दिल्लीमध्ये पेट्रोलचा दर प्रति लिटर 96.72 तर डिझेलचा दर प्रति लिटर 89.62 रुपये इतका आहे. मुंबईत पेट्रोलचा दर प्रति लिटर 106.10तर डिझेलचा दर प्रति लिटर 94.28 रुपये इतका आहे. कोलकातामध्ये पेट्रोलचा भाव प्रति लिटर 106.3 तर डिझेलचा भाव प्रति लिटर 92.76 इतका आहे. चेन्नईमध्ये पेट्रोलचा दर प्रति लिटर 102.63 तर डिझेलचा दर प्रति लिटर 94.24 एवढा आहे. देशाच्या प्रमुख महानगरातील पेट्रोल, डिझेलच्या भावाची तुलना केल्यास सर्वात स्वस्त पेट्रोल, डिझेले हे दिल्लीमध्ये तर सर्वात महाग पेट्रोल, डिझेल व्हॅट कमी करून देखील मुंबईमध्ये आहे.

राज्याच्या प्रमुख शहरातील भाव

दररोज जारी होतात इंधनाचे दर

पेट्रोल, डिझेलचे दर हे कच्च्या तेलाच्या किमतींवर अवलंबून असतात. आंतरराष्ट्रीय बाजारामध्ये सातत्याने कच्च्या तेलाच्या दरात चढ-उतार सुरू असते. त्यामुळे पेट्रोलियम कंपन्यांकडून दररोज पेट्रोल, डिझेलचे दर जारी करण्यात येतात. भारतात गेल्या अडीच महिन्यांपासून पेट्रोल, डिझेलचे दर स्थिर आहेत.