एसबीआय ग्राहक आता घरबसल्या सेट करु शकतात एटीएम कार्डचा नवीन पिन, जाणून घ्या संपूर्ण प्रक्रिया

नवी दिल्ली : कोणत्याही बँकेत आपले खाते उघडल्यानंतर आपण सर्व सुलभ व्यवहारासाठी डेबिट कार्डचा वापर करतो. आपला नवीन डेबिट कार्ड पिन जनरेट करण्यासाठी एटीएम किंवा बँकेच्या शाखेत जावे लागते. परंतु स्टेट बँक ऑफ इंडिया (एसबीआय) आपल्या ग्राहकांना बँक शाखेत न जाता लगेचच डेबिट कार्डचा पिन जनरेट करण्याची सुविधा देत आहे. या पिनला ग्रीन पिन म्हणतात. डेबिट कार्ड पिन जनरेट करण्याची ही पद्धत सर्वात सोपी आहे. हे आयव्हीआर, इंटरनेट बँकिंगद्वारे केले जाऊ शकते. यासाठी प्रथम आपल्याला www.onlinesbi.com वर जावे लागेल. आपण तेथे लॉग इन करून युजर आयडी आणि पासवर्ड टाकून लॉग इन करा. (SBI customers can now set up a new ATM card PIN at home, know the whole process)

कसा जनरेट करायचा पिन?

यानंतर दर्शविलेल्या पर्यायांमधून ‘ई-सेवा’ टॅब अंतर्गत ‘एटीएम कार्ड सेवा’ निवडा. यानंतर एटीएम पिन जनरेशन निवडा. आपण दोन पर्यायांद्वारे आपला एटीएम पिन जनरेट करु शकता. यामध्ये ओटीपी किंवा प्रोफाईल पासवर्ड वापरणे समाविष्ट आहे. आपण ओटीपीच्या पर्यायासह पुढे गेल्यास आपल्या नोंदणीकृत मोबाईल नंबरवर एक ओटीपी येईल.

यानंतर आपल्याला बचत खाते करावे लागेल, जे आपल्या डेबिट कार्डशी जोडलेले असेल. त्यानंतर ज्या एटीएम कार्डसाठी पिन जनरेट केले जाईल तो निवडा. नंतर सबमिटवर क्लिक करा. आपण तयार करू इच्छित असलेल्या नवीन पिनचे प्रथम दोन अंक प्रविष्ट करा. उर्वरित दोन अंक एसएमएसद्वारे आपल्याला पाठविले जातील. यानंतर मोबाईल नंबरवर मेसेजद्वारे मिळालेले पहिले दोन अंक व आधीचे दोन अंक एकत्रित टाकून सबमिटवर क्लिक करा. अशा प्रकारे आपला पिन इंटरनेट बँकिंगद्वारे जनरेट केला जाईल.

आयव्हीआर सिस्टमद्वारे पिन कसा सेट करायचा

आयव्हीआर प्रणालीद्वारे एसबीआय डेबिट कार्ड ग्रीन पिन तयार करण्यासाठी, आपल्याला नोंदणीकृत मोबाईल नंबरवरून आपल्याला टोल फ्री नंबर 1800 112 211 किंवा 1800 425 3800 वर कॉल करावा लागेल. कॉल करण्यापूर्वी आपले एटीएम कार्ड आणि खाते क्रमांक एकत्र ठेवा जेणेकरुन आवश्यक असल्यास सर्व माहिती त्वरित प्रविष्ट करता येईल. कॉलनंतर एटीएम / डेबिट कार्ड संबंधित सेवांसाठी 2 दाबा. यानंतर, पिन जनरेशनसाठी एक दाबा. आपण ग्राहक एजंटशी बोलू इच्छित असल्यास, दोन दाबा. अन्यथा आयव्हीआरसाठी 1 दाबा.

आपल्याला पिन बदलण्यासाठी एटीएममध्ये जावे लागेल

यानंतर आयव्हीआर तुम्हाला तुमच्या एटीएम कार्डच्या शेवटच्या पाच क्रमांकाची नोंद करण्यास सांगेल. यानंतर, आपल्या खाते क्रमांकाचे शेवटचे पाच अंक प्रविष्ट करा. जर आपण सर्व माहिती योग्यरित्या प्रविष्ट केली असेल तर पुढील चरणात आपल्याला आपली जन्मतारीख सांगावी लागेल. यानंतर, आपला ग्रीन पिन जनरेट केला जाईल आणि आपल्या मोबाईल नंबरवर मॅसेज मिळेल. पिन बदलण्यासाठी आपल्याला जवळच्या कोणत्याही एटीएमवर 24 तासांच्या आत जावे लागेल. (SBI customers can now set up a new ATM card PIN at home, know the whole process)

भारतात सेंकड हँड गाड्यांच्या मागणीत विक्रमी वाढ, नक्की कारण काय?#SecondHandCar #CarSale #Cars https://t.co/Q7VX04n2ri

— TV9 Marathi (@TV9Marathi) May 11, 2021

इतर बातम्या

Video | भर लॉकडाऊनमध्ये नव्या जोडप्याची बुलेटवर सफर, पोलिसांनी पकडून ‘असं’ केलं स्वागत की व्हिडीओ व्हायरल

Chhota Rajan : अंडरवर्ल्ड डॉन छोटा राजनची कोरोनावर मात, AIIMS मधून सुट्टी