‘या’ आयटी कंपनीच्या शेअर्सनी एका आठवड्यात गुंतवणूकदारांना दिले बंपर रिटर्न, 1.60 लाखांची कमाई
एका आठवड्यात आयटी समभागात 60 टक्क्यांहून अधिक वाढ झाली, तर या वर्षात आतापर्यंत 160 टक्क्यांनी वाढ झाली. गेल्या एका वर्षात त्यात 450 टक्क्यांनी वाढ झाली आहे.
नवी दिल्लीः भारतीय आयटी कंपनी डेटामॅटिक्स ग्लोबल सर्व्हिसेसच्या (Datamatics Global Services) शेअर्सने गेल्या काही सत्रांमध्ये उडी घेतली असून, सोमवारी हा नव्या उच्चांकावर पोहोचलाय. सुरुवातीच्या व्यापारात बीएसईवर डेटामॅटिक्सचा समभाग 18 टक्क्यांनी वाढून 297 रुपयांवर आला. एका आठवड्यात आयटी समभागात 60 टक्क्यांहून अधिक वाढ झाली, तर या वर्षात आतापर्यंत 160 टक्क्यांनी वाढ झाली. गेल्या एका वर्षात त्यात 450 टक्क्यांनी वाढ झाली.
मिडकॅप आयटीएस कंपन्यांचे शेअर्स/व्हॉल्यूम वाढलाय
बीएसईच्या खंडातील अस्थिरतेबाबत स्पष्टीकरण देताना कंपनी म्हणाली, “शेअर किंमत/व्हॉल्यूममधील महत्त्वपूर्ण अस्थिरता पूर्णपणे बाजारपेठेच्या परिस्थितीवर अवलंबून आहे. त्यात पुढे अशी माहिती देण्यात आली की, गेल्या काही दिवसांत मिडकॅप आयटीएस कंपन्यांचे शेअर्स/व्हॉल्यूम वाढलाय. चांगली कमाईची अपेक्षा आणि व्यवसायाच्या दृष्टिकोनातून गेल्या काही सत्रांमध्ये आयटी समभागात वाढ झाली.
इंटेलिजन्ट ऑटोमेशनची वरिष्ठ उपाध्यक्ष म्हणून नियुक्ती जाहीर
12 जुलै रोजी डेटामॅटिक्सने आभास जावेरी यांची सेल्स, इंटेलिजन्ट ऑटोमेशनची वरिष्ठ उपाध्यक्ष म्हणून नियुक्ती जाहीर केली. आभास डेटामॅटिक्स इंटेलिजम ऑटोमेशन प्रॉडक्ट्स व्यवसायाचे नेतृत्व करेल ज्यात TruBot, TruCap+ and TruBI चा समावेश आहे. ते डेटामॅटिक्सचे उपाध्यक्ष आणि मुख्य कार्यकारी अधिकारी राहुल कनोडिया यांना अहवाल देणार आहेत.
आर्थिक वर्ष 21 मध्ये 25% नफा
आर्थिक वर्ष 21 मध्ये कंपनीने वार्षिक आधारावर 25 टक्के नफा कमावला असून, त्यामध्ये 80 कोटी रुपये नफा झाला, तर त्याचा महसूल 4 टक्क्यांपेक्षा कमी घसरून 1,149 कोटी रुपयांवर आला. कंपनीने म्हटले आहे की, वित्तीय वर्ष 2021 च्या शेवटच्या दोन तिमाहीत ती चांगली वाढ झाली असून, अमेरिकेचा मोठा वाटा आहे.
कंपनीचा व्यवसाय
डेटामॅटिक्स एक तंत्रज्ञान कंपनी आहे, जी डेटा-चालित व्यवसायांना रोबोटिक्स, आर्टिफिशियल इंटेलिजन्स, क्लाउड, मोबिलिटी आणि प्रगत विश्लेषणाद्वारे स्वतःचे डिजिटल रूपांतर करण्यास सक्षम करते. डेटामॅटिक्स बँकिंग, वित्तीय सेवा, विमा, हेल्थकेअर, मॅन्युफॅक्चरिंग, आंतरराष्ट्रीय संघटना आणि माध्यम आणि प्रकाशनात जागतिक ग्राहकांना सेवा देते. कंपनीची अमेरिका, भारत आणि फिलिपिन्समध्ये प्रमुख वितरण केंद्रे आहेत.
संबंधित बातम्या
अनिल अंबानींची रिलायन्स ग्रुप कंपनी Authum खरेदी करणार, RCFLची मान्यता
सोने-चांदी खरेदीची सुवर्णसंधी, आठवड्याच्या पहिल्या दिवशी सोने स्वस्त, पटापट तपासा 10 ग्रॅमची किंमत
Shares of IT company give bumper returns to investors in one week, earn Rs 1.60 lakh
