Stock Market: बाजाराने रचला इतिहास, सेन्सेक्सने पहिल्यांदा 54000 केले पार, गुंतवणूकदारांना 1.24 लाख कोटींचा फायदा

मोठ्या शेअर्सबरोबरच मिडकॅप निर्देशांक आणि स्मॉलकॅप निर्देशांकातही खरेदी दिसून येत आहे. बँक आणि मेटल शेअर्समध्ये तेजीचा कल आहे.

Stock Market: बाजाराने रचला इतिहास, सेन्सेक्सने पहिल्यांदा 54000 केले पार, गुंतवणूकदारांना 1.24 लाख कोटींचा फायदा

नवी दिल्लीः जागतिक बाजारपेठेतून चांगले संकेत मिळाल्याने बुधवारी देशांतर्गत शेअर बाजाराने नवा इतिहास रचला. हेवीवेट स्टॉकमध्ये खरेदी केल्यामुळे 30 शेअर निर्देशांक सेन्सेक्स प्रथमच 54000 पार करू शकला. त्याच वेळी निफ्टी 50 ने (Nifty50) देखील नवा उच्चांक गाठला. सध्या सेन्सेक्स आणि निफ्टी विक्रमी उच्चांकावर व्यापार करीत आहेत. मोठ्या शेअर्सबरोबरच मिडकॅप निर्देशांक आणि स्मॉलकॅप निर्देशांकातही खरेदी दिसून येत आहे. बँक आणि मेटल शेअर्समध्ये तेजीचा कल आहे.

निफ्टीने पहिल्यांदा 16000 ची पातळी ओलांडली

मंगळवारी निफ्टीने पहिल्यांदा 16000 ची पातळी ओलांडली. 45 सत्रांनंतर बाजाराने त्याची श्रेणीच मोडीत काढली. सेन्सेक्स 547 अंकांच्या मजबुतीसह 54,370 च्या पातळीवर व्यवहार करीत आहे, तर निफ्टी 144 अंकांच्या उसळीसह 16,274 च्या पातळीवर व्यवहार करीत आहे.

या शेअर्समध्ये वाढ

बीएसई, एचडीएफसी, टाटा स्टील, इन्फोसिस, डॉ. रेड्डीज, एचडीएफसी बँक, कोटक बँक, आयसीआयसीआय बँक, पॉवर ग्रीड, एचडीएफसी बँक, एशियन पेंट, बजाज फायनान्स, एम अँड एम, एचसीएल टेक, बजाज ऑटो, इंटसइंड बँक, टीसीएस, एनटीपीसी, बजाज फिनसर्व, एलटी, रिलायन्स, आयटीसी, मारुती, टायटन, अॅक्सिस बँक आणि अल्ट्रा सिमेंटचे समभाग हिरव्या मार्कांनी व्यवहार करत आहेत. त्याचबरोबर भारती एअरटेल, एसबीआय, हिंदुस्तान युनिलिव्हर, सन फार्मा आणि नेस्ले इंडियाच्या शेअर्समध्ये घसरण झालीय. आज एनएसईवर टॉप 5 शेअर्सच्या यादीत अदानी पोर्ट्स, एचडीएफसी, इन्फोसिस, टाटा स्टील आणि इंडसइंड बँकेचे शेअर्स आहेत. त्याचबरोबर, नुकसान झालेल्यांमध्ये शेअर्समध्ये भारती एअरटेल, ओएनजीसी, टाटा कन्झ्युमर, एसबीआय लाइफ आणि हिंडाल्कोचे शेअर्स आहेत.

1,569 कंपन्यांचे शेअर्स वाढले

बीएसईवर आज ट्रेडिंग सुरू करताना सुमारे 1,569 कंपन्यांच्या शेअर्समध्ये ट्रेडिंग दिसून येत आहे. यामध्ये 1,148 कंपन्यांचे शेअर्स वाढलेत. त्याच वेळी 343 कंपन्यांचे शेअर्स घसरत आहेत. आजची एकूण बाजारमूल्य 2,41,08,106.55 लाख रुपये आहे.

4 आयपीओ आज उघडणार

INTERNATIONAL, WINDLAS BIOTECH, KRSNAA DIAGNOSTICS आणि EXXARO TILES चा आज आयपीओ येणार आहे. चारही इश्यू शुक्रवारपर्यंत उघडले जाणार आहेत.

संबंधित बातम्या

LIC च्या ‘या’ योजनेत आधार कार्ड असणाऱ्या महिला बनणार श्रीमंत, जाणून घ्या…

PNB स्वस्तात विकतेय 13598 घरे, दुकाने आणि शेतजमीन, जाणून घ्या खरेदीची प्रक्रिया

Stock Market: Sensex crosses 54,000 for first time, investors gain Rs 1.24 lakh crore

Click on your DTH Provider to Add TV9 MARATHI