Petrol Diesel Rate Today : कुठे स्वस्त, तर इथे झाले महाग, पेट्रोल-डिझेलचा आजचा भाव काय

Petrol Diesel Rate Today : केंद्रीय पेट्रोलियम मंत्र्यांनी पुन्हा एकदा इंधन स्वस्त होण्याचे चॉकलेट दिले. त्यांनी तेल कंपन्यांकडे चेंडू टोलावला आहे. जाणून घ्या पेट्रोल-डिझेल स्वस्त झाले की महाग

आजचा पेट्रोल-डिझेलचा भआव काय

KALYAN DESHMUKH | Updated on: Jun 13, 2023 | 8:30 AM

नवी दिल्ली : जागतिक बाजारात कच्चा तेलात सातत्याने घसरणीचे सत्र आहे. गेल्या पाच महिन्यात किंमती 80 डॉलर प्रति बॅरलच्या खाली आहेत. पण देशात गेल्या 13 महिन्यांत जनतेला कुठलाही दिलासा मिळाला नाही. तेल कंपन्यांचे तोट्याचे रडगाणे थांबविण्यासाठी केंद्र सरकारने त्यांना भरीव अनुदान दिले. इंधन विक्रीतून तोटा झाल्याची ओरड तेल कंपन्या करत होत्या. तोट्याची भरपाई म्हणून या कंपन्यांना केंद्र सरकारने 30 हजार कोटी रुपयांचे अनुदान वाटप केले. अनेक दिवसांपासून क्रूड ऑईलच्या किंमतीही आटोक्यात आहेत. मग कंपन्यांना पेट्रोल-डिझेलचे दर कपात (Petrol Diesel Rate Today) करण्यास काय धाड भरली आहे, असा सवाल विचारण्यात येत आहे.

केंद्र सरकारने 21 मे 2022 रोजी पेट्रोल-डिझेलच्या किंमती आटोक्यात आणण्यासाठी इंधनावरील उत्पादन शुल्कात कपात केली होती. त्यानंतर देशात पेट्रोल 8 रुपये तर डिझेल 6 रुपयांनी स्वस्त झाले होते.

तेल विपणन कंपन्या भारतात सकाळी 6 वाजता दर जाहीर करतात. त्याआधारे देशात विविध भागात राज्याचा कर, स्थानिक स्वराज्य संस्थांचा कर, पंपधारकांचे कमिशन यामुळे किंमतीत फरक दिसतो. त्याआधारे देशातील विविध शहरातील इंधनाच्या दरात तफावत दिसते.

कच्चा तेलात घसरण आज कच्चा तेलातील घसरण कायम आहे. 11 जून रोजी ब्रेंट क्रूड ऑईल 72.01डॉलर प्रति बॅरल तर डब्ल्यूटीआय ऑईल 67.21 डॉलर प्रति बॅरलवर पोहचल्या. आंतरराष्ट्रीय बाजारात कच्चे तेलाचे भाव (Crude Oil Price) हे गेल्या 15 महिन्यातील निच्चांकीस्तरावर आहेत.

भाव एका SMS वर

भारतीय तेल विपणन कंपन्या दररोज सकाळी 6 वाजता इंधनाचे नवीन दर जाहीर करण्यात येतात.
देशात राज्याचा कर, स्थानिक स्वराज्य संस्थांचा कर, पंपधारकांचे कमिशन यामुळे किंमतीत फरक दिसतो.
त्याआधारे देशातील विविध शहरातील इंधनाच्या दरात तफावत दिसते.
पेट्रोल-डिझेलचे रोजचे दर तुम्ही एसएमएसद्वारे जाणून घेऊ शकता.
इंडियन ऑईलच्या ग्राहकांनी RSP असे लिहून 9224992249 या क्रमांक आजचे नवीन दर कळतील.
इंधनाचे दर जाणून घेण्यासाठी ग्राहकांना पंपावर जायची गरज नाही.
बीपीसीएलच्या ग्राहकांनाही घरबसल्या त्याच्या मोबाईलवर भाव कळू शकतात.
त्याने मोबाईल मॅसेजमध्ये RSP लिहून हा मॅसेज 9223112222 या क्रमांकावर पाठवावा.
त्यानंतर कंपनी त्याला एसएमएसद्वारे (SMS) आजचे अपडेट दर कळवेल.
एचपीसीएल ग्राहकांना HPPrice असे लिहून 9222201122 या क्रमांकावर एसएमएस करावा लागेल.

राज्यातील प्रमुख शहरातील भाव (Source:goodreturns)