Green Energy | अक्षय ऊर्जा क्षेत्रात हे दोन श्रीमंत भिडणार..

Green Energy | देशातील दोन दिग्गज श्रींमत गौतम अदानी (Gautam Adani) आणि मुकेश अंबानी (Mukesh Ambani) यांच्यात अजून एका क्षेत्रात थेट सामना रंगणार आहे. अक्षय ऊर्जा (green energy) क्षेत्रात ही टक्कर दिसेल. अदानी समूह या क्षेत्रात 2030 पर्यंत 70 अरब डॉलरची गुंतवणूक करणार आहे. तर अंबानी समुहाचे ग्रीन एनर्जी क्षेत्रात 75 अरब डॉलर गुंतवणुकीचे लक्ष्य आहे.

गीगा फॅक्टरी उभारणार

अदानी समूह ग्रीन एनर्जी मिशन (green energy mission)अंतर्गत वीज उत्पादन क्षेत्रात उतरणार आहे. कंपनी सौर ऊर्जा, पवनऊर्जा आणि हायड्रोजन इलेक्ट्रोलाईजर या माध्यमातून वीज उत्पादन करेल.

70 अरब डॉलरची गुंतवणूक

त्यासाठी तीन गीगा फॅक्टरी उभारण्यात येणार आहे. अपारंपारिक ऊर्जा क्षेत्रात जगातील सर्वात मोठी कंपनीसाठी अदानी ग्रुप तयारी करत आहे. अदानी समूह या क्षेत्रासाठी 2030 पर्यंत 70 अरब डॉलर गुंतवणूक करणार आहे.

30 लाख टन ऊर्जेचे लक्ष्य

गीगा कारखान्यांमध्ये सौर ऊर्जा मॉड्यूलपासून हायड्रोजन ऊर्जापर्यंत उत्पादन होणार आहे. अदानी समूह अपारंपारिक ऊर्जा क्षेत्रात गुंतवणूक वाढवणार आहे. ग्रुप 2030 पर्यंत 30 लाख टन हाइड्रोजन ऊर्जा उत्पादन करेल.

अंबानी समुहाची गुंतवणूक

अदानी समुहाची प्रतिस्पर्धी कंपनी रिलायन्स इंडस्ट्रीज (Reliance Industries) चे संचालक मुकेश अंबानी (Mukesh Ambani) ने पाचवा गीगा कारखाना स्थापन करण्याची घोषणा केली आहे. त्यात कमी कार्बन ऊत्सर्जन होणार आहे. कंपनीने स्वतःच्या वापरासाठी 2025 पर्यंत 20 गीगावाट सौर ऊर्जा उत्पादनाचे लक्ष्य ठेवले आहे.

चार कारखान्यांची तयारी

रिलायन्स इंडस्ट्रीजने गेल्या वर्षी चार गीगा कारखाने स्थानप करण्याची घोषणा केली होती. या कारखान्यात पॉवर इलेक्ट्रॉनिक्सचे उत्पादन करण्यात येणार आहे. त्यामुळे येत्या काही दिवसात अक्षय ऊर्जा क्षेत्रासाठी मोठी गुंतवणूक होऊ घातली आहे.