20,000 रुपये पगारीत बचत कशात करावी? किती लाभ मिळेल? जाणून घ्या

20 हजार रुपये पगार असताना बचत करणे थोडे आव्हानात्मक वाटू शकते, पण ’50-30-20′ या नियमाचा वापर केल्यास तुम्ही शिस्तबद्ध पद्धतीने पैसे वाचवू शकता आणि भविष्यासाठी मोठी रक्कम जमा करू शकता.चला तर मग याविषयीची माहिती जाणून घेऊया.

20,000 रुपयांच्या पगारासाठी हा फॉर्म्युला कसा काम करतो, ते खालीलप्रमाणे पाहा:

1. 50% गरजेच्या गोष्टींसाठी खर्च – 10,000 रुपये तुमच्या पगाराचा अर्धा हिस्सा हा अशा गोष्टींसाठी वापरा ज्यांशिवाय तुम्ही राहू शकत नाही. घरभाडे/किराणा: 5,000 – 6,000 रुपये. लाईट बिल/मोबाईल रिचार्ज: 1,000 रुपये. प्रवास खर्च (Office Travel): 1,500 – 2,000 रुपये. इतर अत्यावश्यक खर्च: 1,000 रुपये.

2. 30% आवडीनिवडी आणि मनोरंजनासाठी खर्च- 6,000 रुपये हा भाग तुमच्या आवडीनिवडी आणि मनोरंजनासाठी आहे. मध्यमवर्गीय कुटुंबात इथेच खरी बचत लपलेली असते. बाहेरचे खाणे/सिनेमा: 2,000 रुपये. खरेदी (Clothing/Gadgets): 2,000 रुपये. इतर किरकोळ हौस: 2,000 रुपये. टीप: जर तुम्हाला जास्त बचत करायची असेल, तर या 6,000 रुपयांपैकी काही रक्कम वाचवून ती बचतीत टाका. 3. 20% अनिवार्य बचत (Savings/Investment) – 4,000 रुपये पगार हातात आल्यावर सगळ्यात आधी हे 4,000 रुपये बाजूला काढा. हा तुमचा भविष्याचा आधार आहे. SIP (म्युच्युअल फंड): दरमहा 2,000 रुपये गुंतवा. दीर्घकाळात यात चांगली वाढ होते. RD किंवा टपाल बचत: 1,000 रुपये सुरक्षित परताव्यासाठी गुंतवा. इमर्जन्सी फंड (Emergency Fund): 1,000 रुपये एका वेगळ्या बँक खात्यात जमा करा, जेणेकरून अचानक वैद्यकीय अडचण आल्यास कोणाकडे हात पसरावे लागणार नाहीत.

बचत वाढवण्यासाठी टिप्स 1. आधी बचत, मग खर्च: पगार झाल्यावर आधी 4,000 रुपये गुंतवा आणि उरलेल्या 16,000 मध्ये महिना चालवा. 2. कर्जाचे हप्ते टाळा: शक्यतो ‘No Cost EMI’ च्या जाळ्यात अडकू नका. यामुळे तुमच्या खिशावर ताण येतो. 3. कॅशबॅक आणि ऑफर्स: किराणा किंवा ऑनलाईन खरेदी करताना डिस्काउंट कूपन्सचा वापर करा. वर्षाकाठी ही छोटी रक्कम मोठी ठरते. 4. बोनसची बचत: दिवाळी बोनस किंवा इन्सेंटिव्ह मिळाल्यास तो खर्च न करता थेट मुदत ठेवीत (FD) टाका.

तुम्ही दरमहा 4,000 रुपयांची बचत केली, तर वर्षाला 48,000 रुपये (अधिक व्याज) जमा होतील. 5-10 वर्षांत ही रक्कम लाखांच्या घरात जाईल, ज्यातून तुम्ही स्वतःचे घर किंवा इतर मोठी स्वप्ने पूर्ण करू शकाल.

(डिस्क्लेमर: या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)